1. Xu roʼ

«Zaca xu roʼ» (LUCAS 21:11).

● Dxi guca ti xu roʼ ndaaniʼ guidxi Haití, binadiaga caadxi binni ni rutiidiʼ noticia casi ora cayuunaʼ tuuxa lade ca escombro que, gúcasini Winnie, ti dxaapahuiiniʼ de ti iza arondaʼ, gunda guleecabe dxaapahuiiniʼ riʼ lade ca escombro que, peru gutiʼ bixhózebe ne jñaabe.

¿CAADXI DE CA DATU NI NÁPANU? Dxi guca ti xu roʼ guidxi Haití lu beeu enero de 2010, ni guca de gadxe gradu, gutiʼ jma 300,000 binni ne 1,300,000 biaana sin lidxi. Neca nabé feu ni bizaaca riʼ, guca ruʼ xu roʼ. Dede lu abril de 2009 hasta abril de 2010 guca biaʼ dieciocho xu roʼ lu guidubi Guidxilayú.

NI RINÍʼ BINNI. Qué raca jma xu roʼ que dxiqué, purtiʼ tiempu riʼ jma racané ca tecnología ca laanu gánnanu ora chiguizaaca ti desastre.

¿ÑEE BIAʼSI NI RINÍʼ BINNI LA? Cadi guiaandaʼ laanu qué ruzeeteʼ pe’ Biblia panda xu roʼ chigaca lu ca últimu dxi riʼ, sínuque riniʼni «zaca xu roʼ ti lugar ne sti lugar» ne guizáʼ zadxagayaa binni ora guizaaca ca ni (Marcos 13:8; Lucas 21:11).

¿XI RÁBILUʼ? ¿Ñee cazaaca ca xu roʼ casi maca cá lu Biblia la?

Zándaca guiníʼ binni qué rusihuinni ca xu roʼ ca nabáninu lu ca últimu dxi, peru ni dxandíʼ la? laani nga ti profecía ni cayaca cumplir. Guidúʼyanu sti profecía zeeda lu Biblia.

[Ni caníʼ/Epígrafe]

«[Laadu ca geofísico] runibiaʼdu ca ni casi xu roʼ, peru stale binni ruuyaʼ ca ni casi ti cosa nabé feu». (KEN HUDNUT, SERVICIO GEOLÓGICO DE ESTADOS UNIDOS)

[Ra zeeda lá cani bidii o bisigaʼdeʼ imagen]

© William Daniels/Panos Pictures