Tema riʼ zacaneni lii gánnaluʼ ximodo ricabi Biblia stiluʼ ca cosa ni zándaca huanabadiidxaluʼ. Pa riuuláʼdxiluʼ la? ca testigu stiʼ Jiobá zanda gúʼndanecaʼ lii ca guendarinabadiidxaʼ riʼ.

1. Xi reinu nga gucuaa Jesús

Dios gudxi rey David tobi de ca ni zá de laa nga chiguicaa Reinu stiʼ Dios, ne qué ziuu dxi gusaanaʼ de guni mandar. Ni zá de laabe nga Jesús, ne laa maʼ cayuni mandar yanna casi Rey guibáʼ. (Biindaʼ Salmo 89:4 ne Lucas 1:32, 33.)

Jiobá Dios gulí David dxi nahuiiniruʼ, para guni mandar guidxi Israel. Guti si David maʼ gulibe Salomón para chuʼ lugar stiʼ bixhoze ne cuíʼ «lu trono stiʼ Jiobá» ni guyuu Jerusalén (1 Crónicas 28:4, 5; 29:23). Dxi guti Salomón, guyuuruʼ stale rey ni biʼniʼ mandar ndaaniʼ guidxi ca. Peru stale de laacaʼ qué nuzuubacaʼ stiidxaʼ Dios. Ngue runi, bidii Jiobá lugar gunitilú ca binni de Babilonia guidxi ca lu iza 607 ante de Cristu ne maʼ qué nudiibe lugar ñuuruʼ rey ndaaniʼ ni. Dede dxi ca maʼ qué huayuuruʼ tuuxa ni zá de David ni ñuni mandar ndaaniʼ guidxi Jerusalén. (Biindaʼ Ezequiel 21:27.)

2. Pabiáʼ tiempu zadiʼdiʼ para gueeda gapa Reinu stiʼ Dios sti rey

Caadxi iza despué de binitilú guidxi Israel, Jiobá gudxi profeta Daniel zabibe ti rey nacubi para guni mandar dede guibáʼ. Peru padxí guzulú guni mandar rey ca yaʼ. (Biindaʼ Daniel 7:13, 14.)

Lu visión ni biiyaʼ Daniel, ni riguixhená que, cusiene padxí ni. Laabe biiyabe biʼniʼ mandar Jiobá igá ti yaga ngola ne guiaana ñee ni, zaqué nga guniʼbe maʼ qué ziuu tu guni mandar ndaaniʼ guidxi Jerusalén. De raqué guniʼbe zandaa «gadxe tiempu» para igaa yaga que. Lu Biblia la? chonna tiempu arondaʼ nga 1,260 dxi. Nga runi, gadxe tiempu ca biaʼsi rizaani 2,520 dxi (Apocalipsis 12:6, 14). Lu stale diidxaʼ riguixhená ni zeeda lu Biblia ca dxi ca zeeda gácacani iza (Números 14:34). Nga runi, zandaa 2,520 iza para guibiguetaʼ gapa Reinu stiʼ Dios sti rey. (Biindaʼ Daniel 4:10-17.)

  3. Padxí bizulú biʼniʼ mandar Jesús

Dios biʼniʼ Jesús Rey guibáʼ lu iza 1914, biaʼsi dxícapeʼ bizaa 2,520 iza despué de binitilú Jerusalén. Ni bíʼnibe cásipeʼ gúcabe Rey nga guleebe Binidxabaʼ ne ca demonio stiʼ de guibáʼ (Apocalipsis 12:7-10). Ca binni ni nabani lu Guidxilayú riʼ qué ñanda diʼ ñuuyacaʼ ni, peru lu Guidxilayú riʼ cayaca stale cosa pur ni bizaaca guibáʼ (Apocalipsis 12:12). Stale cosa ni maʼ huayaca dede iza 1914 cusihuínnicani bizulú Jesús biʼniʼ mandar dede dxi ca. (Biindaʼ Mateo 24:14 ne Lucas 21:10, 11, 31.)

4. Xi zabeenduluʼ pur naca Jesús Rey

Cumu maʼ guca ni na ca diidxaʼ ni zeeda lu Biblia ra cá zaca Jesús Rey la? nga rusihuinni zanda guni creluʼ guiráʼ ni zeeda lu Stiidxaʼ Dios ne qué zandaa zabee Jesús ca yuubaʼ ni cayuniná binni. (Biindaʼ Salmo 72:8, 12, 13 ne Daniel 2:44.)

Pa riuuláʼdxiluʼ gánnaluʼ jma de tema riʼ la? biiyaʼ yaza 215 dede 218 stiʼ libru riʼ, Xipeʼ ndiʼ Cusiidiʼ Biblia, ni biʼniʼ ca testigu stiʼ Jiobá.

[Tabla ni zeeda lu yaza 16 ne 17]

(Para gúʼyaluʼ ca letra ni zeeda ra rihuinni ximodopeʼ bireeni la? biiyaʼ ni lu libru o revista ra bireeni)

Octubre

607 B.C.E. ← 2,520 iza → 1914 C.E.

1000 a.J. | 1 a.J. | 1 d.J. | 1000 d.j. | 2000 d.j.

← 606 iza ne 3 beeu →← 1,913 iza ne 9 beeu →

Ra maʼ qué ñuu rey Jerusalén

Biʼniʼ suma riʼ: 606 iza ne 3 beeu + 1,913 iza ne 9 beeu = 2,520 iza

Dios biʼniʼ Jesús Rey guibáʼ