Stale millón de binni racalaʼdxiʼ cheʼ guibáʼ ora gatiʼ. Jesús guníʼ, ca apóstol stiʼ ni qué gusaana de guni ni na Dios la? ziecaʼ guibáʼ. Ante gátibe, bidii stiidxabe laacaʼ zuni chaahuibe ti lugar para chuʼcaʼ ra nuu Bixhózebe. (Biindaʼ Juan 14:2.)

Xiñee ziasa caadxi binni de lade gueʼtuʼ para checaʼ guibáʼ yaʼ. Xi chigúnicabe racá yaʼ. Jesús gudxi ca apóstol stiʼ zácacabe rey, ni chiguni mandar lu Guidxilayú. (Biindaʼ Lucas 22:28-30 ne Apocalipsis 5:10.)

Cásica chupa chonna si binni nga runi mandar ndaaniʼ ti guidxi la? Guidxilayú riʼ laaca zuni mandar caadxi si binni ni cuí Jesús para guiasa de lade gueʼtuʼ ne cheʼ guibáʼ (Lucas 12:32). Biblia ruzeeteʼ panda binni nga cheʼ guibáʼ. (Biindaʼ Apocalipsis 14:1.)

Cadi cani cheʼ si guibáʼ nga cani chiguicaa ti ndaayaʼ sicarú. Cani guzuubaʼ diidxaʼ ora guni mandar Jesús zacaacaʼ ti ndaayaʼ nabé sicarú: zanda guibánicaʼ ndaaniʼ ti paraísu lu Guidxilayú sin qué chuʼ dxi gáticaʼ (Juan 3:16). Zalá caadxi binni dxi guinitilú guiráʼ cosa malu nuu lu Guidxilayú, ne xcaadxi binni ziásacaʼ de lade gueʼtuʼ. (Biindaʼ Salmo 37:29 ne 72:6.)