Lu iza 33, despué de ca dxi stinu, guti Jesús, biásabe de lade gueʼtuʼ ne bibiguétabe guibáʼ. Stale siglu despué biʼniʼ Dios laabe rey (Daniel 7:13, 14). Maʼ cadi candaa zedanebe guendariuudxi lu Guidxilayú ne laaca zabeebe guendapobre. (Biindaʼ Salmo 72:7, 8, 13.)

Zuni Jesús stale cosa guizáʼ sicarú dxi maʼ guni mandar lu Guidxilayú. Zaquiiñebe poder ni bidii Bixhózebe laabe para guibiguetaʼ gácanu binni sin donda sti biaje. Guiráʼ binni zabani nayecheʼ lu Guidxilayú, qué zióʼxhocaʼ ne qué záticaʼ. (Biindaʼ Juan 5:26-29 ne 1 Corintios 15:25, 26.)

Cayuuyabe gucheeche guiráʼ ca xpínnibe diidxaʼ lu guidubi naca Guidxilayú. Laacabe rigánnacabe guiráʼ binni para gusiidicabe laacaʼ ni caníʼ Biblia de Reinu stiʼ Dios. Jesús guníʼ zacané guiráʼ ca discípulo stiʼ dede dxi maʼ chuʼ Reinu stiʼ Dios lugar stiʼ ca gobiernu nuu lu Guidxilayú. (Biindaʼ Mateo 24:14 ne 28:19, 20.)

Racané Jesús guiráʼ binni guibani jma galán ora riecaʼ ca guendaridagulisaa. Qué zusaanabe de gacanebe laacaʼ dede dxi guinitilú guiráʼ cosa malu nuu lu Guidxilayú riʼ ne dxi gaca ni ti paraísu casi maʼ bidii stiidxaʼ Dios. (Biindaʼ 2 Pedro 3:7, 13 ne Apocalipsis 7:17.)