Ora gunadiágaluʼ noticia zándaca rudiiluʼ cuenta nuu tiru riquiiñecabe religión para gúnicabe stale cosa dxabaʼ. Ni dxandíʼ nga cadi guiráʼ diʼ ca religión ca zeedacani de Dios (Mateo 7:15). Nga runi stale binni caguítecabe laacaʼ. (Biindaʼ 1 Juan 5:19.)

Peru Dios nanna nuu binni nayá ladxidóʼ ne nadxiicaʼ ni dxandíʼ ne ni jneza (Juan 4:23). Nga runi, runi invitarbe laacaʼ guyúbicaʼ gánnacaʼ ni dxandíʼ lu Biblia, Stiidxabe. (Biindaʼ 1 Timoteo 2:3-5.)

Cutagulisaa Jiobá binni ni gupa gadxé gadxé religión. Ximodo yaʼ. Ra cusiidibe laacaʼ xii nga ni dxandíʼ ne ximodo gannaxhiisaacaʼ (Miqueas 4:2, 3). Nga runi, lii zanda gúʼyaluʼ gunáʼ nga religión ni dxandíʼ pur modo ridxaaga ca binni nuu ndaaniʼ ni. (Biindaʼ Juan 13:35.)

Cani dxandíʼ xpinni Dios laaca la? runi crecaʼ ni zeeda lu Biblia ne rúnicaʼ ni na ca ley zeeda luni (2 Timoteo 3:16). Runi respetárcabe lá Dios (Salmo 83:18). Ne cadi ngasi, laaca rusiidicabe binni Reinu si stiʼ Dios nga zanda gacané binni guidxilayú (Daniel 2:44). Ne rudiicabe lugar guzaanicabe casi biaaniʼ, cásica biʼniʼ Jesús, ra gacanécabe xcaadxi binni (Mateo 5:16). Ne cadi nagana para gacabiaʼnu laacabe purtiʼ rigánnacabe ca xpecínucabe para guiniʼnécabe laacaʼ de ca cosa galán chiguni Reinu stiʼ Dios. (Biindaʼ Mateo 24:14; Hechos 5:42 ne 20:20.)