Guizáʼ cayuniná ca guerra ca, cunduuxeʼ ca ni ne nabé naroʼbaʼ yuubaʼ cusaanané ca ni binni. Biiyaʼ ca informe riʼ:

•   «Iza gudiʼdiʼ ca, jma stale binni guti lu ca guerra —ni gucaʼ Etiopía ne Ucrania— que ca guerra ni huayaca dede lu iza 1994» (Instituto de Investigación para la Paz de Oslo, 7 de junio iza 2023).

•   «Lu iza 2022 que guca xiroo guerra ni cayaca Ucrania. Iza gudiʼdiʼ ca, lu guidubi Guidxilayú bidale biaʼ 27% de guendaridinde pur política ne bininá ca ni biaʼ ti mil gadxe gayuaa millón de binni» (Proyecto de Datos de Localización y Eventos de Conflictos Armados [ACLED], 8 de febrero iza 2023).

 Biblia cudii laanu esperanza. Sicaríʼ ná ni «Dios ni nuu guibáʼ zucuí ti reinu ni qué ziuu dxi guinitilú» (Daniel 2:44). Reinu ca nga gobiernu ni chiguiquiiñeʼ Dios para gunduuxeʼ guiráʼ «guerra lu guidubi guidxilayú» (Salmo 46:9).