Riuudu pue. Laadu, ca testigu stiʼ Jehová, riuudu doctor ne ricaadu tratamientu ni gudiicabe laadu. Neca rúnidu stipa pur chuʼdu nazaaca, peru nuu tiru naquiiñeʼ chuudu doctor (Lucas 5:31). Ne nuu Testigu naca doctor casi guca Lucas, ti xpinni Cristu ni bibani lu primé siglu (Colosenses 4:14).

 Laadu ca Testigu, qué ricaadu xiixa tratamientu ni gucaa laadu guchéʼnedu ca principiu zeeda lu Biblia. Casi lu Biblia la? riete cadi naquiiñeʼ gó binni rini nin guicá ni, nga runi qué ricadu rini (Hechos 15:20). Ne laaca ruzeeteʼ Biblia cadi jneza guicaa binni xiixa remediu ni zeeda de espiritismo (Gálatas 5:19-21).

 Peru qué rucueeza diʼ Biblia de guicaa binni stale de ca tratamientu ni rudii doctor, nga runi cada Testigu naquiiñeʼ guʼyaʼ xi guicaa. Zándaca nuu tuuxa guicaa xiixa tratamientu o medicina ni qué zaná sti binni guicaa (Gálatas 6:5).