Guietenaláʼdxinu guendaguti stiʼ Jesús
Sábadu 12 de abril de 2025
Ti biaje lu ti iza, ca testigu stiʼ Jehová ridagulisaadu para guietenaláʼdxidu guendaguti stiʼ Jesús, casi modo gudíxhebe gácani. Laabe guni’be: «Cadi gusaana de gúnitu ndiʼ para guietenaláʼdxitu naa» (Lucas 22:19).
Ribézadu ganda chelu’ dxi risaca ri’.
Ca ni nabé rinabadiidxa’ binni
¿Pabiá’ zandaa ni?
Bia’ ti hora.
¿Paraa chigácani?
Zanda guinabadiidxalu’ ti testigu sti’ Jehová paraa chigácani.
¿Zaguixe binni para chu’ la?
Co’.
¿Rinábacabe guna la?
Co’.
¿Xi lari naquiiñe’ gacua’?
Cadi caquiiñe’ pe’ gáculu’ xiixa tipu lari, peru laadu ca testigu sti’ Jehová rúnidu stipa guzuchaahuidu jneza, casi na Biblia (1 Timoteo 2:9). Cadi caquiiñe’ pe’ gácani lari caru o nacubi.
¿Xi guirá’ raca lu reunión ca ya’?
Ora ruzuluni, riuunda’ ti canción ne despué ti testigu sti’ Jehová runi ti oración. Despué ridi’di’ ti discursu ni biree lu Biblia, luni rusiénecabe pabiá’ risaca guendaguti sti’ Jesús ne xi ribeendunu pur ni bi’ni’ Dios ne Cristu pur laanu. Ne últimu la? riuunda’ ti canción ne raca sti oración.
Pa racala’dxu’ gannu’ jma la? biinda’ artículo ni lá’ «¿Xiñee maʼ gadxé runi ca testigu stiʼ Jehová Guendaroxhí stiʼ Señor que xcaadxi religión?».
¿Xi fecha chigácani lu ca iza ni zeeda ca ya’?
2025: sábadu 12 de abril.
2026: jueves 2 de abril.
Laaca zándaca ziuuláʼdxiluʼ ca ndiʼ
DXI RIETENALÁˈDXINU GUENDAGUTI STIˈ CRISTU
Guietenaláʼdxinu guendaguti stiʼ Jesús
Cayuni invitardu lii dxi nabé risaca riʼ. Zaziidiluʼ ximodo zanda gacané guendanabani ne guendaguti stiʼ Jesús lii.
ESSENTIAL BIBLE TEACHINGS
Xiñee guti Jesús
Biblia nabé rusisaca guendaguti sti Jesús. Bi’ni cumplir ni xiixa propósitu risaca la?