LECCIÓN ZINGO 6
Bi rsedie rhoo tan goka diluvio
Dios bosnitie bene bi bzenágake naʼ bsle Noé len bene lo yóo kie (Génesis 7:11, 12, 23)
Non chopa gálaj dza len chopa gálaj yelha gólhateze guiajsió. Nisa bedzate lo Lichhileyó, naʼ yogoté bene malha gótike.
Ángelesnaʼ bezodílake len Dios bukanke kuinke ka benachi nákake naʼ benke toxhén Taxhiwe. Nan nákakata demonios.
Bene guiókaze luelhe arca glake. Gdé stika, Noé len bene lo yóo kie gótike. Zákala chi gótike, Dios weyodeké yelanebán kieke, naʼ suake tzalasa.
Yéstikaga Dios yosnitie ka bene malha naʼ ksle bene wén (Mateo 24:37-39)
Taxhiwe len ka demonios rheʼenketa ka benachi bi gzenágake ki Jeobá.
Kateka goka lo dza ki Noé, nan tixhé bene bi rheʼenkene gzenágake ki Jeobá. Yéstikaga leʼ yosnitie yogoté bene rhonhe ta malha (2 Pedro 2:5, 6).
Lhézekan dzaka bene nákake ka Noé naʼ rhonke ka rne Dios. Légake nákake testigos ki Jeobá.
Puede que también le interese
LIBRO LEN FOLLETO
No zua lhoneʼ lichhileyó
Nákarla we yibánelho ka rhochhi lo Biblia. Biokalho bi rbeza kio nan len gxhewidzaj.
