LECCIÓN ZINGO 3
Nákaxha goka yelanaban lo jardín ki Edén
Tixhé ta chhia bde Dios ki Adán len Eva (Génesis 1:28)
Jeobá benhe Eva, nigolha nerho, naʼ goke nigolha ki Adán (Génesis 2:21, 22).
Katí ben Dios Adán len Eva bi yoʼke dolaxhguiá. Yíkiaj loke len kuinke bi naxhínaj.
Gzuake lo jardín ki Edén, ga rna gazi sdán. Naʼ dia to yago. Lhézekan zoka yaga len dzaka beaguixhi.
Jeobá rtzalajlene leke naʼ tixhé ta rsédiene leke. Chén rheʼenkene suake tzalasa gasdán naʼ, gola bzenágake ki Dios.
Dios gochhie légake bi gágoke tan chha to lo yaga (Génesis 2:16, 17)
To ángel bezodile len Dios. Ángel malha ní nazi láweta Taxhiwe.
Dios gochhie Adán len Eva bi gágoke tan chha to lo yaga ki jardín. Chén gágoke, naʼ watiké.
Taxhiwe bi góneta gzenágake ki Jeobá. Bgóneta chhin to beela naʼ góchhita Eva bi gatie chén gawe tan chha lo yaga nózaga Dios. Góchhita leʼ wachhín gake ka Dios. ¡Zítela gxhita yeʼe! (Génesis 3:1-5.)
