‘Oni Tungusi Wene Pangbanga!’
Bakere Dunguratise Nga ga ADezire Yekova Nga ga 2024
Aboro nika rimo gbua • I adunguranga marã be aboro yo te
Gu Memeapai du Rogo gi Mbakadapai Re
Rago Bisue: Mo bi agu agopai nayugo gupai nga gu wene pangbanga du tipa Yesu nga gu du rogo Akitabu Wene Pangbanga yo nga ndikidi agu apai naima manga. Mo bi wai rengbe agi apangbanga re ka undo rani areme.
Rago Nzengu: Gini apai i agumbaha ni sangbanebi tipa pa vunga Yesu na pa sonako ni gude, na ya mo agi asangbaanebi re adigisi tihe nzunzu?
Rago Poso: Rogo gu gumbapai du mburuhe ri Baibiri du riihe nga “Tipagine Ani Agundenga Gbegberẽ Pangbanga Ti ni Ya,” ani nika wirika gupai nasa amirioni aboro areme i nibi tiyo ni bandabanda yo na kidu na kido tipa kumbatayo wa apai avura kaa gberã rogo zegino vurũ.
Drama
Gu Wene Pangbanga Nga ga Yesu: Bambata Paparaha
“Gu Ndikidi Imarago Nga ga Zegino”
Pa vungayo Yesu ngba iiriwo gene nga gu nyanyakipa pai sa dagba agu apai naamangi mbu Yesu kindi ni tooni gude. Avunguko aoro nako ku Ezipeta yo tipa ka batasa ko be gu bakindo naida ka imoko. Kusa, ko azeresi ngba gu kura bakere abayugupai. Mo bi agi apai re gbiati gu kura apai si nimangi rogo gu drama du na apaparaha ue nga gu nika du Rago Bisue na Rago Nzengu.
Mo bi agu avidio du tipa gu bakere dunguratise nga ga gi garã re
Ginipai Ninaamanga ba Gaani Bakere Adunguratise Yo?
Mo bi agu apai mo narengbe ka bihe ba gu bakere dunguratise yo nga ga aDezire Yekova.
Bakere Dunguratise Nga ga ADezire Yekova Nga ga 2024: ‘Oni Tungusi Wene Pangbanga!’
Gu memeapai nika du rogo gu mbakadapai nga ga gi garã re.
Agu Apai Nika du Rogo gu Drama Nga: Gu Wene Pangbanga Nga ga Yesu
Dungu aboro ima rugatiyo na pa wai i avungu Yesu ngba iiriwo gene. Ono gini apai namangi mbata fu i vunguko na tifuo vungayo ko?