Tipa ka banda pabakure dagbaro na bakureamo, si naida mo nifura na ni. Mo naadegaturo funi, na ni naadegatuni foro a. Mo naagumba weneapai a tipa bakureamo fu kura aboro. Si teketeke wa kina gure tipa du na bakure dagbase na Mbori. Mo berẽnga gupai Baibiri agumbaha tipa gipai re:

Mo nifura dedede na Yekova rogo kparakpee. “Oni kpátagara kuti kpe kindi.”​—ARomo 12:12.

Mo nigedi Fugo Mbori, nga Baibiri. “Ziazia Kekeapai dunduko si aye be ga Mbori Toro si ki rengbe tipa yugopai, tipa zapai, tipa ruga boro, na tipa raba aboro rogo rurupai.”​—2 Timoteo 3:16.

Mo niyugupai fu kura aboro tipa Mbori. “Oni ndú tie, ki sa arikaaboro dunduko ni abawiriki, . . . ki nirugu yo a i niká kuti  agu apai dunduko mi arugu roni kuti ni.”​—Matayo 28:19, 20.

Mo mbedi na abakurea Mbori. “Gu boro nata na boro tatamana ni adú ni iratatamana a.”​—Asanza 13:20.

Mo nidu pati adunguratise Bambu Kindo yo. “Ani bérẽ pa akuarani ka nyakasa yo kuti nyemuse na wene mangaapai.”​—AEbere 10:24, 25.

Mo nisongodi gu sunge nga ga Kindo. “Aboro dunduko i nimangi wa i akpi nyemu he kpotoyo yo, ni ngbaduse te, ni dingisaro a te. Bambiko Mbori nakpi nyemu kina gu boro nagama he esuesu.”​—2 AKorindo 9:7.