Yekova nika dia gu gbegberẽ apai nga ga Satana kusayo dũ. Ko ima maa Yesu ni bakindo kurii kpotosende. Tiibe gako zogarago, kpotosende nika da ni paradizo.​—Daniere 7:​13, 14; Ruka 23:43.

Mo bingo agu apai Yekova nakidopaha:

• RIAHE ADU SEKPEESE: “Sende azugasi gaha zuzu ahe; Mbori, kina gaani Mbori, naafu maku fu rani.” ‘Zende ahe azuko rogo ringara kpaima; si adu wo ri abaagangara yo.’​—Atambuahe 67:6; 72:16.

• AVURA ADUNGA BEREWE TE: “Oni yé ka bi agu apai Yekova amangi, nga gu kere gbarasahe ko amangi auru kpotosende yo. Ko namanga pai, vura nyasi [ki da ku] digida kpotosende no; ko nakua mboto, ki kuadi baso rukutu, ko nazo angbagidavura ku we yo!”​—Atambuahe 46:​8, 9.

• GBEGBERẼ ABORO AGO KUSAYO: “Fuo rago ngbutuko, gbegberẽ boro adú nga ho berewe te; ka mo vura wisiga ba ni sirisiri vurũ, ni adú nga ho te.”​—Atambuahe 37:​9, 10.

•  AKAZA, ARUNGO, NA KPIO AGO KUSAYO: “Bangiri airavurari azá, tu airangbianga ki ha; terengeterenge aboro agúka wa ngbiimo, mirã kisikisi ngba boro abi bia ni ngbarago.”​—Yesaya 35:​5, 6.

  “Oni ngére, ga Mbori banye du na aboro, ko anyé na yo, i adú ni gako aboro, Mbori anyé na yo tigako, ki du ni gayo Mbori. Ko awéga aume ti bangiriyo ku sa yo dunduko. Kpio adú nga berewe te, rungo adú nga yo na akpe na ima a te, bambiko bambata apai aima nyasa.”​—Yugoti 21:​3, 4.

Yekova agumbanga ziree wa Satana na adaimona te. Agu apai dunduko ko agumbaha, si duwa ka si mangi. (Ruka 1:​36, 37) Yekova ima kpinyemuro na ko naida mo raki rogo gu Paradizo ko nika ye na ni. Sidu, mo sana aDezire Yekova i undoro mo wiriki kura apai rogo Sangba Mbori yo. Ka mo mangisunge na gu rengo mo nika inoho re rogo gamo raka, mo zaki goro azaka be ziree na sangbaatoro na ki kuru rogo bitimo. Na fuo bete regbo, mo ki bati be du ni kanga fu ingapai na kpio. A wa Yesu agumbaha: ‘Mo aino rengo aino, ki ra ni riro be rengo.’​—Yoane 8:32.