WIRIKAPAI 05
Baibiri Nga Fugo Mbori Furani
Yekova ima fu Baibiri furani, si nga gu wene gamahe du na rukutu abuku rogoho 66. Ono mo ima rengba kaa bakabangiro nga: ‘Wari gu Baibiri re aye ni? Da nga baenge mburu kehe?’ Tipa ka karagapai kuti agu asanahe re, ani wisigingo pai tipa wai agu apangbanga nga ga Mbori du rogo Baibiri aye furani.
1. Wadu he nga aboro nake Baibiri, tipagine rengbe ani ka ya ti ni si aye be Mbori?
Aboro wa 40 nake Baibiri vuru bagizo regbo yo naima susa agarã 1,600 i atona kehe rogo gu garã nga 1513 M.B.K. na ki digisihe bara rogo 98 F.B.K. Na abakekehe aye rogo dungu angbatunga ni bakiakia. Ono wa vura duhe wo, apapara Baibiri dunduko na giatise dagbaha. Waigu du gipai re wo? Bambiko Mbori nga Baenge mburu ke Baibiri. (Mo gedi 1 ATesaroniko 2:13.) Abakekehe aakekanga gayo aberãpai te. Kuba gure, i ‘agumba pai be Mbori wa ziazia toro arugu yo’ na ni. a (2 Petero 1:21) Mbori amangisunge na gako ziazia toro, tipa si fõngbadu agu akumba yo re tipa i keke gako aberãpai.—2 Timoteo 3:16.
2. Ada rengbe ka gbia undo ti Baibiri?
‘Ngbatunga aboro, na ngbatunga afugoyo na aboro’ rengbe arengba ka gbia undo ti gu wene pangbanga du rogo Baibiri. (Mo gedi Yugoti 14:6.) Mbori asa gupai nga i ke Baibiri rogo dungu afugo yo ki susi kura abuku dunduko rogo zegino. Badungu aboro areme naima rengba ka geda Fugo Mbori. Gipai re nga rengo ka si vura du nga i naraka kina wari watadu gini ngbatunga afugo i agumbaha vurũ.
3. Waigu Yekova nabanda Baibiri?
I ake Baibiri ti agu ahe nga gu arakanga gbe ya, wa gu nga kpoto gbiati badumo. Ono agu akumba naakpinyemu Baibiri afugu kehe berewe ni beyo na rubangirise. Wa vura duhe nga agu aboro du na ome tiyo aasadi ka nyasariipa Baibiri, gu kura aboro amoi gayo raka ngbapai tipa ka bandaha. Ono Yekova ambunga ai boro watadu ai he si ka na ko ti fura na ani te. Baibiri naya: ‘Gu pai nga ga gaani Mbori si anyé anye kindi.’—Yesaya 40:8.
MO WIRIKI KURA DUNGU APAI
Mo wiriki dungu apai tipa wai ga Mbori toro adu kugii akumba tipa i ke Baibiri, wai ko abandaha, na wai ko nasaha si du be aboro dunduko.
4. Baibiri nayugopa Baenge Pakehe
Mo bi gu VIDIO re. Na tifuoho mo ki gedi 2 Timoteo 3:16, na mo ki sakipai tipa agu asanahe ngbe fuoho.
-
Wadu he nga aboro nake Baibiri, tipagine i ayambaha tini nga Fugo Mbori?
-
Ya mo mo naberãha nga si ruaru ani idi kuti gupai nga Mbori arengbe ka sa aboro i ke gako aberãpai?
Bakeapai ima rengba ka ke waraga, ono agu apangbanga du rogoho naye be gu boro naya funi ni kehe. Wakina gure a, aboro du nake Baibiri, ono agu apangbanga du rogoho aye be Mbori
5. Baibiri abati be pa gbarasaha
Wadu he nga Baibiri aye be Mbori, ani ima rengba ka ida kuti gupai nga ko ima rengba ka bandaha. Rogo gu pangbanga yo naabaha nga ga aboro, agu aboro du na ome tiyo aima asada ka gbarasapa Baibiri. Abarumbatayo rogo pambori aima asada ka okaha. Dungu aboro aima maa gayo raka ngbapai tipa ka banda Baibiri, asogote ki vura du vurũ gbiati aserãhe kuti kpio. Tipa ka inopai tipa agu aboro namoi gayo raka ngbapai, mo bi gu VIDIO re, na tifuoho mo ki sakipai tipa agu asanahe ngbefuoho.
-
Ya mo pa ino mo gupai nga aboro amoi gayo raka ngbapai tipa ka banda Baibiri nasa ro mo du na nyemu ka gedaha? Tipagine?
Mo gedi Atambuahe 119:97, na tifuoho mo ki sakipai tipa gi sanahe re:
-
Ginipai fõ ngbadu dungu aboro yo i moi gayo raka ngbapai tipa ka sa Baibiri na ka kparakaha?
6. Baibiri nga gu buku du tipa aboro dunduko
Baibiri nga gu buku i nasaha na ki kparakaha ni badunguhe kisusi wa zegino aenge. Mo gedi Amokedi 10:34, 35, na tifuoho mo ki sakipai tipa agi asanahe re:
-
Tipagine Mbori aida i sa Fugoko ti ni na ki kparakaha ku rogo arago dũ?
-
Ginipai ngba tiro tipa Baibiri?
Bange aboro nambeda kuti
100%
rogo zegino dunduko
du na Baibiri beyo rogo gu fugo i apehe
Baibiri naabaha watadu paparaha, ho awere rogo afugo naima susa
3,000
I ima kusa bange
Baibiri awere wa
5,000,000,000
Si ni badunguhe kisusi
ai kura buku
GU KURA ABORO NAPE GUPAI NGA: “Baibiri nga gu kuru buku kina aboro akehe.”
-
Ginipai mo aberãha?
-
Gini gopai duho nayugo gupai nga Baibiri nga Fugo Mbori?
GINIPAI MO NAWIRIKIHE?
Baibiri nga Fugo Mbori, na ko ima sa gupai nga ai boro du na ni beni.
Fugöpai
-
Ginipai ani aida ka pehe ho ani aya ni wẽ Mbori amangisunge na gako toro si du kugii agu akumba nake Baibiri?
-
Ginipai nairiwo tiro nibipa wai Baibiri nabati be pa gbarasaha, wai i nasaha kurogo badungu afugo na wai i nakparakaha?
-
Gini bipai du mo na ni tipa Mbori awere wa ini mo gupai nga ko ima manga ome ni bakerehe tipa ka fura na mo?
MO WETEKE GU KURA APAI
Mo gedipai tipa wai gu pangbanga nga ga Baibiri atona—tona ti gu regbo i akehe ni bee kida kuti wai i nasaha ti gi gaani regbo re.
“Gu Gene Baibiri Aye Furani Ngbaha” (Awake!, Ngbaangba 2007)
Mo bi wai Baibiri nabati be kikindigi aserekpohe biata nga gu naadu tipa gbarasaha.
“Pangbanga Wai Ziazia Kekeapai Abati” (Ngbaõbambu Sinziri Na. 4 2016)
Mo bi wai kura aboro amoi gayo raka ngbapai tipa ka sa Baibiri.
I aima fugö ke Baibiri na ki saha bara dunguhe. Waigu rengbe mo ka ino gupai nga fugo Mbori aˈarianga tihe te?
a A wa ani nika sakapai tipaha rogo Wirikapai nga ga 7, ziazia toro nga ga Mbori ome mangapai.
