AWAKE! Na. 2 2018 | Gbugbu Apai 12 Nasa Ramukporo si Du Na Diabese
Gbugbu Apai 12 Nasa Ramukporo si du na Diabese
Ani nagia badungu apai nga gu nandu ni irairaha rogo agu angbadimokporo adunga na diabese ya. Ono gini apai tigaha nga gu nandu ni wenehe rogo agu angbadimokporo du na diabese?
Bangbanda gu garã nangia 1990 na 2015, bange agu aboro naambutiyo Amerika yo aima nge kisusi nga agu yo garã yo adu 50 na si kini nge kina kumbatayo fu aguyo garã yo adu naima susa 65.
Avunguagude ainongo ginipai ka i mangihe te: Agu akurayo du na wene inohe nagumba gupai nga si naida i naatambua agude atambua dedede, agu akurayo namanga fu agude gbegberẽ kini berẽhe ti gayo nga gure nga i naundo yo.
Paranga aboro nada ti regbo paranga yo zanga na agu abirĩ si aida i du na ni tipa ka du na diabese.
Wa vura duhe wo, gu rengo du ho nga . . .
Rogatise ima rengba ka du ni wene gamahe na ni gu pabakure nga gu nyeanye kindi.
Avunguagude ima rengba ka wirika wai rengbe yo ka fu rugute fu awiriyo rogo nyemuse yo.
Paranga aboro ima rengbe ka gbia agu abirĩ si aida i du na ni tipa rago paranga yo.
Waigu rengbe yo ka gbiaha? Gi Awake! re nika sakapai tipa gbugbupai 12 nga gu nasa ramukporo si du na diabese.
1: Futise
Aberapai biata rengbe ka undo arogotise i sungu sa.
2: Mangasunge Kina Sa
Ya mo si wa gamo badiarogatise gbua wa kina gu boro bambu akoda roni nani?
3: Irisa
Mo wiriki wai du afugo gbiati mangapai na nyanyakipaha ka sa ga badiarogatise ni bihe nga mo nairisa ni airisa.
4: Mbupai
Ginipai rengbe ka undo ro ka mo naabingo kina agu azanga rengba nga ga ga badiarogatise ya?
5: Fugo Dagbase
Bangua agene biata nga gu rengbe ka undo ro mo mbedi na awiro.
6: Rugute
Ya mo rugute nasa gupai nga ka gude dunga na kido kuti tiru ya?
7: Gene Mangaapai
Gini arugute si aida mo yuguhe fu awiro?
8: Kpiapai
Ka mo aida gamo afugo zi ngbadu awiro yo, si du wa ka si du na ngbanya dagbaha na ga mangaapai.
9: Gupai I Aino Boro Tini
Waigu rengbe paranga aboro ka ru nyanyaki tipa gayo aida?
10: Padu ni Irarengo
Padu avunguro na kido kutiro nga nyanyakipa diandue tipa ka da ni gu boro naima sona ki ngara.
11: Mangasunge Zanga Nyomoro
Wirika wai ka mangasunge zanga nyomoro wangia mo paranga boro ima rengba ka undo ro mo du na diabese rogo agu apai mo nika mangaha rogo raka yo.
12: Asasa
Pa da mo ti gamo asasa ima rengba ka sa ro mo du na kido, ka nyakasa gamo pabakure na ki kiisi gamo ngbarago.
Kura Aundo fu Aborokporo
Agu arugute nga ga Baibiri ima rengba ka undo ro ga rogatise du na diabese na ga ramukporo ki du na ngbarago.
