“Ga Ngbi Ye”—Nga gu Kparakpee Dungu Amirioni Aboro Adogoda Ha
Ya mo mo amangingo kparakpee tipa ga Mbori Ngbi watadu Kindo si ye? Vuru gu kama agarã susi, badungu amirioni aboro ima dogoda agu afugo nga “Ga ngbi ye.” Tipagine i adogoda gi kparakpee re ti ni? Mbiko Yesu agumba gupai fu apefuoko nga, i kpari tipa ga Mbori Kindo.
Ti tonatonaha, apefuo Yesu aaruganga tiyo na agu apai dunduko ko agumbaha tipa Kindo te. I aima sanako ti kura regbo nga: “Gbia, mo agása ga aYisaraere ngbi [Kindo] fu yo wa du rago re?” Si nawira wa ngbayo aima zera ho Yesu aagumbanga pa gu regbo ni fuyo nzunzu ga Mbori Kindo nika ye ti ni ya. (Amokedi 1:6, 7) Ya mo gure nayugo gupai nga ani arengbanga ka ino gine nga ga Mbori Kindo gbiati gu regbo si nika ye ti ni te? Oó, wo duhe te!
Gi Ngbaõbambu Sinziri re nika undoro mo gbia akaragapai kuti agi asanahe re:
Tipagine ani aida ga Mbori Kindo ti ni?
Da nga Bakindo ga Mbori Kindo?
Gini regbo ga Mbori Kindo nika zoga kpotosende ti ni?
Ginipai ga Mbori Kindo nika mangaha fu aboro?
Tipagine si aida ani sia ka songoda ga Mbori Kindo ti ni awere?
Gine nga ga Mbori Kindo?
Gere Ima Rengba a ka Ngba Tiro
NGBAÕBAMBU SINZIRI
Tipagine si Aida Ani Kpari Ti Ni Tipa Ga Mbori Kindo Ye?
Ginipai ga Mbori Kindo nika mangaha fu gu zogarago nga ga aboro?
ESSENTIAL BIBLE TEACHINGS
Ga Mbori Kindo Nga Gine?
Ti regbo ga Yesu tungusapai auru kpotosende ane, ko ayugupai tipa ga Mbori Kindo kisusi gu kuraapai dunduko. Tipa dungu kama agarã, aboro aima digo ni kpari tipa gu Kindo re ye.
