Gu Fudifudiapai Nafu Maabangirise

“Rogo kusa rago gbegberẽ rago aye.”​—2 TIMOTEO 3:1.

YA MO oni aginga pangbanga sa dagba agi du kusende re watadu ki bi gupai re nibangironi?

● Kere kaza imi dungu aboro.

● Ngbongi imi badungu aboro.

● Bazigizo imi aboro wa akutu na ki mbu aguyo zanga kporo tiyo.

Rogo agu akpewaraga ngbefuo gere, oni nika bi bete gu kereapai namanga wakina gere. Oni ka bi gupai yo nga Ziazia Kekeapai aima pepa gu mangaapai re ya si nikaa manga ti “kusa rago,” watadu yangara arame.

Anga ndu gupai i ake gi kekeapai re ti ni nga ka saroni oni ini gupai nga ani naraka rogo gu zegino hi be dungu fudifudiapai te, mbiko si nawira gupai nga oni nabi gi fudifudiapai re abi nibangironi. Ono i kehe tipa ka fu maabangirise furoni. Si nika yugo gupai a nga digisidigisi agu asangbaanebi du sita re nayugo gupai nga yangara arame ima mbeda ka digo. Rogo gi kekeapai re, ani nika wisigo bete agu abipai du dungu aboro nani nibi agi apai namanga re, na si nika fu wene ndupai furani ani idi kuti gupai nga wenepai ima mbeda kada.