Agu Asanahe Ziazia Kekeapai Akaragapai Kutini
Wari gu Bakitingbanga ayeni?
Mbori aakusanga Bakitingbanga te. Kuba gure, ko akusi maraika nga guko naada kusa ni Bakitingbanga, nga Satana. Yesu aya Bakitingbanga aduadu ni irarengo ti kura aregbo zanga gbegberẽpai ti rimoko. Ti tonatonaha, Bakitingbanga adu niruru maraika niwiri Mbori.
Waigu ka maraika arengbe kada ni Bakitingbanga?
Gu maraika naada ni Bakitingbanga re asia ka bisirapa Mbori na ki nangi bambata aboro i koditiyo naako. Rogo gi gene re, ko asatiko ni Satana, du rogoyo nga “gu boro nasovura kuti kurani.”
Gu maraika naasa tiko ni bakitingbanga re aduna ranirii ka sia ka manga rurupai na gbegberẽhe wakina kura amaraika na aboro a, ono ko asonosi nyemu gupai nga aboro irisiko. Gu nyemu taarimo ko adu nani si naaki kisusi nyemu sa ngbarago ti Mbori.
Waigu Bakitingbanga aandu kindi kumbatayo kaa gberesa rii aboro yo? Ya mo si naida oni gunde beko? Ono rengbe ka gbia akaragapai kuti agi asanahe re rogo Ziazia Kekeapai.
Gere Ima Rengba a ka Ngba Tiro
NGBAÕBAMBU SINZIRI
Ya mo si Naida Ani Gunde be Satana?
Mbori fu agamahe foro biama rengbe ka banda ro be ga Satana azubohe.
