Smita, * garãri adu nga 35 aaraka rogo gu gbata nga Dhaka, Bangladesh yo. Ri angia wene sino boro na kini ngerefuo kura aboro. Aboro aini ri ni nyanyaki namangisunge na ni gu diakumba naadu na ngbarago tipa kaa undo kura aboro i ini gupai ri awirikihe tipaMbori. Nairiwo gu gberarago gari aborokporo na anakureari adu na ni ho i agi gupai ni nga Smita ti na kaza tipa wiri bete arame ki kpi!

AJames na diako angia paranga arogotise garã yo adu wa 30, i adu na wene asinoyo ti ni wakina gu nangia ga Smita. Ti kura regbo sa, i andu ka bi abakureayo rogo gu papara Amerika du ku padiyo. I aakaraganga tiyo berewe ku kpuyo yo New York yo te. Tarambiri afõ gayo tarambiri i dunduko ue ki kpi, si ki mbu bakere rungo ku kpoto abakureayo yo na gayo abadiasunge.

Gbegberẽ apai na arungo ima nge, ka i gbatanga ha te. Avura na imo aboro gbiati asekere a. Aboro-wenesa nagbiatiyo na kuondiko gbiati zuu. Kere abéno na kere akaza namanga ngbatunga aboro dunduko. Agberango naimo ngbatunga aboro dunduko. Iraira bipai tipa kura aboro na iraira sarangbanga ima maapai. Si nawira wa pai aima manga ro dagba agi apai re.

Si agberẽnga boro sana ngbatunga asanahewa gu nga:

• Tipagine gbegberẽ apai amangawene aboro ti ni?

• Ya mo si naida ani bira Mbori tipa agi apai re?

• Ya mo agberãngbi namanga nisaha watadu aboro du naye na ni?

• Ya mo si rengbe kadu nga sangbana agu apai boro amangihe kusayo du naye na arungo kuti ní?

• Ka si du nga gu Mbori Du na Tanduapai Dũ kina ti ni, tipagine ko abandanga wene aboro ti ni be gbegberẽ apai ya?

• Ya mo regbo aduho raka nika du zanga gbegberẽ apai na arungo?

Tipa ka karagapai kuti agi asanahe re, si naida ani ini akaragapai kuti agu asanahe du ue nga: Tipagine gbegberẽ apai amanga aboro dunduko ti ni, na ginipaiMbori nika mangaha?