I akusi gu burosua nga Oni Degeturoni fu Mbori tipa ka yugo gu bangua arengo nga ga Ziazia Kekeapai fu agu aboro duhe fuyo ni mbumbuhe tipa ka gedapai. Wirikapai ti akpewaraga ue na asura i nambakadihe rogo wene gene gbiati aguanza nayugo gini sura si aida boro sakihe fuo kuraha.

Gu burosua nga Oni Degeturoni fu Mbori Tipa ka Raka Nyeanye Kindi, na asura rogoho wakina gu nga Oni Degeturoni fu Mbori, ono gu i akusihe mbata na dungu kekeapai rogoho rengbe gu bawiriki Ziazia Kekeapai nagedapai ageda tooni ka mangasunge na ni. Ho bawiriki Ziazia Kekeapai amangasunge ni na gu nga Oni Degeturoni fu Mbori, abatungusipai dedede ni naaida ka mangasunge na gu du na kekeapai rogoho. Dungu akpewaraga du na sanduki rogoho du na kura apai rogoho rengbe oni ka sakaha ni bi gu rengbanapai nga ga gu boro oni awirikipai na ni.

Oni ima rengbe ka kparaka agi aburosua re, ka si vura du vuru nga si du i akparakaha rogo gu diwi re te. Ho mo amanga wisigo Ziazia Kekeapai ni na boro, mo mangisunge na asura tipa ka saka rogo agu apangbanga du rogo Ziazia Kekeapai yo. Mo mangisunge na asanahe tipa ka sa gamo bawiriki Ziazia Kekeapai ni naafura afura, na tipa ka ino singia ni ima giarogo yo wenengai. Mo gedi agu averesi du ti digido kpewaraga yo na ki sakipai tipaha. Fuo oni nyasi gi burosua re, oni wiriki gu buku nga Gini Apai Nzunzu Ziazia Kekeapai Ayugoho? watadu What Can the Bible Teach Us? tipa ka undo gamo bawiriki Ziazia Kekeapai ni sono ki zi bapatiza.