Kina agu aboro du ni gigiri yo rogo mangapai yo rengbe kadu na wene pagume dagbayo na Yekova. (1Pet 1:14-16) Awa abawiriki Baibiri nikaa diabe bibiriko mangapai, si nika sa yo i du na wene pagume na gayo aborokporo, wene kpotose na kini banda gayo marã wenengai.

Mo saki pai fuyo wenengai tipa gu ga Yekova arugute du tipa mangaapai, ndu gupai duhe ti ni wo, na gupai duhe ti ni ni wenepai ka mangapai kutini. Mo moi berãro tipa ka undo gamo abawiriki Baibiri i aria wai i abi apai, si nika undo yo tipa i mangi gupai Yekova aidaha. (Ef 4:22-24) Mo kido yo nga mbiko gu undo nga ga Yekova, i ima rengba ka diabe gu bibiriko mangapai zi baha tiyo. (Frp 4:13) Mo yugu gupai fuyo nga i mangi kparikpee fu Yekova ho i abi tiyo ni nga i naida ka manga ingapai. Mo undo yo i ini agu apai rengbe ka maa yo rogo asada na i ki nehe. Mo ngarasi yo tipa i nimangi agu apai du ni wenehe kuba manga agu apai du ni gbegberẽhe. Mo nika du na ngbarago ho mo nika bi gamo abawiriki Baibiri ni i nimangi ariapai mbiko ga Yekova undo.

ONI MOI GU VIDIO NGA MO UNDO GAMO ABAWIRIKI BAIBIRI TIPA I DIBE BIBIRIKO MANGAAPAI, NA FUOHO, ONI KI KARAGAPAI KUTI AGI ASANAHE RE:

• Waigu abaakumba gbiati Neeta ayugu gayo kido kuti Jade?

• Gini agene berewe Neeta aundo Jade ngbaha?

• Waigu Jade agbata undo be Yekova?