Rogo ga Yesu sunge tungusapai yo, ko amangisunge na agu apai naamanga ti rago ko tipa ka yugopai. (Rk 13:1-5) Mo ima rengba a ka mangasunge na agu apai namanga awere tipa ka ba nyemu gu pangbanga nga Kindo ti aboro. Tifuo mo fura tipa wai du raka ni mbumbuhe, gino ahe, gberãngo, avura, dia kere angua kutii kpotoseyo watadu gu kura apai, mo sana gu sanahe rengbe ka sa gu boro re ni berẽ. Mo ima rengba ka sana ni nga: “Ya mo mo nabihe nga ani abi digido . . . ?” watadu “Ginipai mo abihe nga si nga ziga tipa . . . ?” Fuoho, mo yugu veresi rogo Baibiri yo nga gu nafura tipa gupai re. Ka gu boro re yugu nyemupai, mo yugu vidio watadu mo fu waraga dagba Gaani Aũsunge Nga ga Yugopai yo. Wa ani kaa asada ka zio ngbadu aboro yo rogo gaani dagbarago, ani naamanganga “apai dunduko mbiko wene pangbanga.”​—1Kor 9:22, 23.

Gini apai rengbe ka ngba gbe ti aboro rogo gamo dagbarago?