Yekova nabi gu mozunga nga ga rogatise na nyanyakipaha na ko ape gupai nga kumba na dee nye kina sa. (Mt 19:5, 6) Dungu akpiapai duho tipa wene rogatise dagba ga Yekova aboro. Wa vura duhe wo, rogatise ho du ni rengberengbehe te. Akpakarapai ninaakura akura. Si aidanga ani mangipai kuti gu bipai du badungu aboro na ni nga kparaka watadu mbutise nga gupai si aida arogotise mangihe ho du yo ni na akpakarapai te. Wai gu rengbe agu arogotise nga aKristano ka banda gayo rogatise?

Mo berẽnga kurii nyanyakipa adiandue bisue.

1. Mo banda ngbaduroyo ni soga mo ngbatunga apai wa ba nyemuro ti kura aboro, nga gupai narungburasi rogatise.—Mt 5:28; 2Pet 2:14.

2. Mo nyakasi gamo pabakure na Mbori, na ki sonosi nyemu ka sa ngbarago tiko rogo gamo rogatise yo.—Tam 97:10.

3. Mo ndu kumbatayo kaa ukadi vovo borose, na kini mangi gu rukutu apai nayugo wene sino nga gu rengbe ka sa raka fu gamo badiarogatise taata.—Koro 3:8-10, 12-14.

4. Mo banda gu wene fugodagbase du na irisa.—Koro 4:6.

5. Si naida mo ringbisi gu nyemupai nga ga gamo badiarogatise rogo nyemuse yo.—1Kor 7:3, 4; 10:24.

Ho aKristano ayugo irisa ni tipa rogatise, gure nga i nayugo irisa fu baenge rogatise nga Yekova.

ONI BI GU VIDIO NGA, ANI DUWA KA ANI “ORO GU OTO” NGA GA HIPAI—ANI IRISI AGU ANDIKO NGA GU ABAANGIRÃ RE, NA FUOHO ONI KI KARAGAPAI KUTI AGI ASANAHE RE:

• Wa vura duhe nga rogatise ima rengba ka tona ni bawenehe, gini akpakarapai rengbe ka kura?

• Wai gu rengbe gu bangua arengo nga ga Ziazia Kekeapai ka undo agu aboro nabihe nga i rogo gu rogatise adunga nyemuse rogoho ya?

• Gini arugute Yekova nasigiraha tipa rogatise?

• Tipa gupai nga rogatise du na diabese, ginipai si aida abadiarogatise dunduko mangihe?