Gini asino mo angera tipaha ti bakure? Si rengbe ka du nga agu asino ngba tiro nga du ni ruruse, wene sino, gbiati gu sino nga ga gamahe. Yekova na agi asino re dunduko. (Gate 34:6; Amo 14:17) Ko nadegatuko ho mo akpara ni fuko. Ko naundo ro ti ai gu regbo mo aida undo. (Tam 18:19, 35) Ko nambupai foro ti gamo aingahe. (1Yo 1:9) Yekova nga bawene bakure nirengo!

Wai gu rengbe mo ka du ni bakurea Yekova? Mo wirikipai tipa ko ni geda mo Fugoko. Mo kido kuti ko. (Tam 62:8; 142:2) Mo yugu gupai nga mo nabi agu apai du fu Yekova na nyanyakipaha, wa gu nga Wiriko, gako Kindo, na gako akidohe tipa kumbatayo. Mo pe pako fu kura aboro. (Pa Rug 32:3) Ka mo sonosi mbembedi pagume na Yekova, ko nika ngia bakureamo nyeanye kindi.—Tam 73:25, 26, 28.

ONI BI GU VIDIO NGA PARANGA ABORO—“ONI HIA YEKOVA KABIHE SINGIA NGBAKO ANGBA,” NA FUOHO ONI KI KARAGAPAI KUTI AGI ASANAHE DU KUSENDE RE:

• Wai gu rengbe mo ka mbakada tiro tipa kparatise na bapatiza?

• Wai gu rengbe kura aboro rogo dungurati ka undo ro tipa mo irisi Yekova?

• Wai gu tungusapai anyakasa gamo pagume na Yekova?

• Gini asunge rogo ga Yekova riigbu rengbe mo ka mangaha?

• Gini apai ngba tiro tipa Yekova?