Ii. Mbori nangera angera fuo gu gako amoyambu du na kaza. Nibipa ga Mbori ruru moyambu, Bibiri naya: “Yekova angarãsa ni auru gani barame rago rungbura ni.” (Atambuahe 41:3) Ka mo araka na bangabanga kaza, agi aberãpai du biata re ima rengba ka undo ro mo so vura kuti ni:

1.   Mo kpari fu Mbori tipa ome ka hi he. Mo ima rengba ka gbia “gu zereda nga ga Mbori nagasi rugatinapai dunduko,” nga gu rengbe ka umbosi ga bakabangirise na ki undo ro.—AFiripoio 4:6, 7.

2.   Mo du na rurubipai. Baibiri nape gupai nga: “Wasawasa kpoto boro yo du wa wene ngua kaza, ono rungorungo toro naugusa ameme augusa.” (Asanza 17:22) Mo sonosi gu sino nga ga ba wiri awia, gipai re arengbanga ka undo ro sa kina ho du mo ni ti kpakarakpakara aregbo te ono si ima rengba ka undo kpotoro a.

3.   Mo sonosi ga maabangirise tipa kumbatayo. Ndikidi maabangirise ima rengba ka undo ro mo du na ngbarago mo ki vura du vurũ rogo bangabanga akaza. (ARomo 12:12) Baibiri aima pe gupai kumbatayo nga regbo nika du kinaho ‘boro kporo sa nika ayanga , “Mi nawoka” ya.’ (Yesaya 33:24) Mbori nika husa gu bangabanga akaza dunduko nga gu agu aboro birĩ-inohe du ti gi gaani regbo re arengbanga ka husa ha ya. Ni kpiapai, Baibiri nape gupai nga gbinza aboro ada ni parangayo na kidu na wene kpotoyo: “Kpotoni zámbua berewe wa ga parangani; si du wa ga agu arame nga ga parangani.”—Eyobo 33:25.

 Mo ini gupai nga: Wa vura duhe nga aDezire Yekova ima ino pa gu undo Mbori afuhe, i nagbata gene husa agbata a tipa bangabanga akaza. (Marako 2:17) Ono tie, si aidanga ani naapeka pa gine ngbatunga adawa du si aida boro naadiaha te, ani nabihe nga boro du si aida ni di berã ni tini tipa kpotoni.