Memorial de xcalgoity Jesús rony que gonyno pensary ló guirá cós tzaay ni labúu guicaʼno por ni goitybu por lóono. Né láaca que buñ ni ma goity labúu guiás. Jehová dipa goniiny láabu que buñgudxlio ñaity. Por ngú, órni raity toibtica xfamily toib buñ nigolú rioʼobni (1Co 15:26). Jesús láaca bioʼobni láabu órni bibiʼbu xpiimbu gorudxaʼ por ni goity Lázaro (Jn 11:33-35). Jesús nacbu xomodpa Bixiosbu, Jehová, por ngú nanno que Jehová láaca rioʼobni láabu órni raity toibtica xfamilno (Jn 14:7). Jehová raniiny que guidxin dzú guilísbu buñ ni bisob láabu, né lóono láaca ngúca cabésno (Job 14:14, 15).

Láabu nacbu toib Dios ni nantzay rony toib cós, por ngú órni guilísbu buñ ni ma goity gonybu láani conforma guiniiny láabu (1Co 14:33, 40). Xalagary cudxaʼno roʼ baʼ, guicacuentno guirá buñ ni guiás lad gueʼet. ¿Rabeʼlo tiemp ronylo pensary que sioʼ dzú guiás guirá ni ma goity, né máspa dzú raity toib buñ la? (2Co 4:17, 18). ¿Raduidylo guixquix a Jehová por ni guilísbu buñ ni ma goity né por ni rabexabu ló la Biblia que gueʼet labúu guiás stoib la? (Col 3:15).

• ¿Chú láabu de xfamilylo ni ma goity raniiny looy guibiʼlo?

• ¿Chú buñ ni rasetlaa la Biblia rioladxlo guimbulo né gooylo diitz né láabu?