Ló página ro ná, ro rasalóni, noʼ artículos né videos ni goyaʼ par buñ ni ná gan de Jehová (Hch 13:48). Rareʼ tema ni rareʼ ló notísy o ni ragoʼ buñ ló galrrasaʼ.

¿Ximod labúu guiquiinlo ro ná, ro rasalóni, ni sieed ló jw.org par gony predicarlo?

• Gon xi cós copy rareʼ ló página ni napno ló internet. Bíil guirá artículos ni rarecaa primer né buny pensary ximod labúu naquiinlo láani ló predicación (par guibiʼlo más artículos ni bireʼ ndeʼga ló jw.org, biquichña ro ná «Ver más» ni noʼ ló dixtil). ¡Sadzelo ni labúu gacné looy par guiniʼlo xtiitz Dios más sacró!

• Biquiin artículos né videos ni rarecaa ro ná, ro rasalóni, ni sieed ló página de jw.org par saló guininélo buñ. Labúu gacnéni looy ganlo ló xi cós rioʼ buñ galrrasaʼ.

• Bislooy ro ná, ro rasalóni. Goleʼ loguiaʼ tipnés temas né bislooy láabu ximod guiyopybu información.

• Bixel toib enlace ronoʼbu. Ná tipnés buñ diti rioladx guininé buñ laʼpabu, per rioladxbu tzoʼbu ló página xtunyno. Labúu guixelo toib enlace ronoʼ buñ ni ná gan de la Biblia ló ro ná, ro rasalóni o toib video.