Ximod guiquiinno follet reʼ

Follet reʼ goyaniʼ par guisuidyno láani toibsi né Biblia. ¿Ximod guiquiinno láani? Non gonylo ndeʼ: Ro rasaló toib lesiony sabiʼlo chop tzón diitz ni guicapylo. Órni ma bilox gonabdiitzlo sadzelo toib número —ni náyeec— roʼ rarexa guirá diitz ni ma gonabdiitzlo. Raquiin goʼol lo guirá ni guinapdiitzlo né buny pensary en láani. Órni ma bilox bunyloʼ láani bíil guidopy lesiony cú né biyopy textos ni sieed lo Biblia xtunylo. Órni ma bilox bíil lo toib lesiony, bíil stoib buelt guirá ni ma gonabdiitzlo ni sitnéni, né bisednaladx ximod racapy Biblia cada toibni. Órni ma bilox bisuidylo guidopy follet reʼ, bíil stoib buelt guirá diitz ni ma cuapylo.