Lesiony 1

Ximod labúu gannlo xí ranab Dios looy

¿Xí diitz ni rasac sitné Biblia? (1)

¿Chú bisaʼ Biblia? (2)

¿Xigony raquiin guisuidylo xi ná Biblia? (3)

1. Biblia Dios biscat láani lóono. Nacní xomod toib guiich ni toib bixios mbiox raxel ló xiin. Rabyni lóono ximod nac Dios: chú láabu né xi ranabbu lóono. Rabexani ximod guicalono galnagan, né ximod labúu guiguano goxt. Nosi Biblia raniʼ ximod gonyno par guibaladx Dios (Salmo 1:1-3; Isaías 48:17, 18).

2. Cuarent buñgudxlio bicaʼ Biblia lo tipmil xhopgayo íz, né láani gosaloni 1513 dzú ni yása guieed Jesús. Napni 66 libriyen. Guirá ni bicaʼ Biblia bicábu pór xpensary Dios, diti xtunyibu. Por ngú ranino que ni Bisaʼ Biblia ngú Dios, diti buñgudxlio siino Dios ni dxiip lainy guibá (2 Timoteo 3:16, 17; 2 Pedro 1:20, 21).

3. Dios cuá cuidad Biblia nacani mod ni láabu nábu, par gólno láani ló xtzúno. Xidal Biblia ma goyaʼ más que stipnés libro. Diti guirá buñ guibaladx que looy guisuidylo ni sieed ló Biblia né diti guiduidyloʼ lagary que ndeʼ guicaa looy. Looy labúu guibanylo tipzó pal radxiinlo rimbulo Dios né ronylo xchiimbu ná noʼ ni racaa looy (Mateo 5:10-12; Juan 17:3).