LESIONY 22
¿Ximod labúu gaibylo stipnés buñ diitz sacró?
Ni ma nanlo xcalrrasuidy la Biblia, sigory ronylo pensary: «¡Guirá buñ non gan láani!». Né naplo razón; guiránac buñ non gan láani. Per sigory radzuibylo gaibylo stipnés buñ ni casuidylo. Guienno xi láani labúu gacné looy par diti guidzuibylo né modreʼ sioʼ nakitlo órni guiniʼlo xtiitz Dios.
1. ¿Ximod labúu gaibylo stipnés buñ ni ma casuidylo?
Xpiin Jesús goniʼ: «Diti labúu guisiando guinido de cós ni ma bibiʼdo né ni ma bicadiagdo» (Hechos 4:20). Gosac par layibu galnigolú, por ngú goniiny layibu ñaibyibu láani a stipnés buñ. ¿Scúca rasaclo la? Por ngú, biyopy mod góoch xfamilo né ximiglo ni casuidylo (bíil Colosenses 4:6).
Tipnés mod ni labúu gonylo láani
-
Órni guininélo xfamilo xtiitz Dios labúu salólo modreʼ. «Ló xomal reʼ bisudi toib cós sacróyen».
-
Órni toib ximiglo caxoʼ o noʼ ló galrrasaʼ, bíil toib texto ni labúu gacné láabu.
-
Órni toibtica xcompañerlo ni ronynélo dxiin guinabdiitz looy ximod goyeeni looy xomal reʼ, góoch láabu xi láani casuidylo ló la Biblia o ni bisuidylo ló reunión.
-
Bislooy ximiglo página ni napdo ló internet jw.org.
-
Góoch stipnés gony compañer looy órni casuidylo la Biblia o bislooy láabu ximod labúu guinabbu toib curso de la Biblia ló jw.org.
2. ¿Xigony rasac guiniʼlo xtiitz Dios toibsi né congregación?
Xpiin Jesús diti nosi goniʼyibu xtiitz Dios né buñ ni bimbuyibu. Jesús bixel layibu xinéschop par naniʼyibu xtiitz Dios lainy guirá gudxrop (Lucas 10:1). Modreʼ xidalguixo buñ labúu bicadiagyibu diitz sacró. Xpiin Jesús nigolú bibaladxyibu portín goniʼyibu xtiitz Dios toibsi (Lucas 10:17). ¿Né pal ragoʼlo guiclo guiniʼlo xtiitz Dios né congregación ga?
NANOY GUISUIDYNO LÁANI
Guienno xi labúu gacné looy par diti guidzuibylo né modreʼ labúu guibaladxlo órni guiniʼlo xtiitz Dios.
3. Jehová sioʼ né looy
Tipnés buñ ni ná guiniʼ xtiitz Dios rioʼyibu galrrasaʼ pal guicadiag buñ layibu o xi guiniʼ buñ de layibu.
-
Né looyga, órni ronylo pensary guiniʼlo ni casuidylo, ¿radzuibylo la, o yaca? ¿Xigony?
Colguibiʼ VIDEO reʼ né colgooy xtiitzni:
-
¿Xí buny guirá mbioxhlas reʼ par diti nadzuibyibu?
Colgoʼol Isaías 41:10 né colgooy xtiitzni:
-
¿Xigony non gonylo oración pal radzuibylo guiniʼlo xtiitz Dios?
¿Nanlo ndeʼ la?
Xidal buñ ni ma nac testigos xtuny Jehová bunyibu pensary que dipa labúu naniʼyibu xtiitz Dios. Por ejemplo, Sergey bunybu pensary que diti noʼ pu raquiimbu né gosac naganbu naninébu buñ. Per toibtica dzú gosaló bisuidybu la Biblia. Láabu nábu: «Ná bidzubi labúu goodxi buñ guirá ni cayenna ló la Biblia. Bidziguiaʼya naʼca portín ngú gocné naʼ par diti ñaca buñdzuu, né bunyni que guirá ni casudi bidxinni lainy xcalnabani».
4. Gop respet
Antes de guiniʼlo xtiitz Dios né toib buñ diti nosi gonylo pensary xi gaibylo láabu, láaca buny pensary ximod gaibylo láani láabu. Colgoʼol 2 Timoteo 2:24 né 1 Pedro 3:15, né colgooy xtiitzni:
-
¿Ximod labúu guisoblo guirá ni ná versículos reʼ órni gaibylo stipnés buñ ni ná la Biblia?
-
Sigory tipnés xfamilo o ximiglo diti noʼyibu de acuerdo né looy. ¿Xí labúu gonylo? ¿Né xí diti labúu gonylo?
-
¿Xigony más galán guiyopylo mod gonylo galrranabdiitz xalagary gaibylo buñ xí láani non gonyibu crer?
5. Órni ranino diitz sacró rabaladxno
Jehová gonabbu Jesús naniʼ diitz sacró. ¿Ximod bibiʼ Jesús dxiincu? Colgoʼol Juan 4:34 né colgooy xtiitzni:
-
Órni roono galrro ni racné lóono, ngú rony que labúu guibanyno né guibaladxno. ¿Xigony goniʼ Jesús que órni buñ raniʼ xtiitz Dios nacni suusi ñoo buñ toib galrro?
-
¿Xí galnasác labúu guicaʼlo pal raniʼlo diitz sacró?
Ni labúu gonylo
-
Órni tzeelo reunión lainy xomal biyopy mod gooylo diitz né herman.
-
Góoch xomextralo gacné looy par gony comentarlo ló reunión. Asignación ni guicaʼlo labúu gacnéni looy par gaibylo stipnés buñ ni casuidylo.
-
Biquiin ro ná «Tipnés buñ ná» o «Tipnés buñ ranabdiitz» par labúu cuéxalo ni ranabdiitz buñ.
TIPNÉS BUÑ RANABDIITZ: «¿Xitalsa? ¿Labúuga noʼlo la?».
-
¿Ximod naquiinlo oportunida reʼ par labúu ñaibylo láabu ni casuidylo ló la Biblia?
¿XÍ BISUIDYLO?
Órni buñ raniʼ diitz sacró rabaladx, né par salólo guiniʼlo xtiitz Dios diti naganni.
Repas
-
¿Xigony non guinino diitz sacró?
-
¿Ximod labúu gonylo láani né respet?
-
¿Xí labúu gacné looy par diti guidzuibylo?
PAR GANLO MÁS
Bisuidy tap mod ni labúu gacné looy par labúu guiquiinlo tarjeta de contacto xtuny jw.org.
Tipnés mod ni labúu guiquiinlo tarjeta de contacto xtuny jw.org (1:43)
Bisuidy tap cualidades ni labúu gacné looy par guiniʼlo diitz sacró.
«¿Noʼlo puext par guiyopylo buñ la?» (Guiich ni caniʼ, septiembre íz 2020)
Bisuidy toib historia ni sieed ló la Biblia ni racné lóono gapno balory órni guiniʼno diitz sacró ná nacno mbioxhlasien.
Bíil ximod labúu gaibylo ni ná la Biblia a xfamilo ni diti nan de Jehová.
«¿Ximod labúu gacnéno xfamilno ni diti nac Testigos?» (Guiich ni caniʼ, 15 de marz íz 2014)
Sigory láaca sioladxlo ndeʼ
NI MÁS RANABDIITZ BUÑ
¿Ximod rasuidy testigos xtuny Jehová buñ?
Órni guisuidylo né testigos xtuny Jehová labúu guiquiinlo nitisi traducción xtuny la Biblia. Labúu guiruʼlo guirá xfamilo né ximiglo par gony compañer looy.
