LESIONY 50
¿Ximod labúu gaplo toib famil nakit? (midid 2)
Mbiox nacyibu toib galrrascad ni radudy Jehová. Láabu rabésbu que bixios mbiox gan galrrascad reʼ sacró. Por ngú radudybu consej galán par guirebuʼ gonyibu láani. Láaca radudybu consej mbiox par gacnéyibu xfamilyibu.
1. ¿Xí consej radudy Jehová a guirá buñ ni ma noʼ xiin?
Jehová ranab que buñ ni ma noʼ xiin ganyibu xiinyibu né gonyibu rutirigaʼlni layibu par cueʼyibu tiemp tzoʼyibu né xiinyibu. Láaca raniiny layibu que ganyibu xiinyibu de nitisi riesga ni tzoʼ né guisuidyibu xiinyibu mod ná la Biblia (Proverbios 1:8). Dios raniiny que buñ ni ma noʼ xiin guisniʼsyibu xiinyibu xomod ná Jehová né xomod ná xilitzbu (bíil Efesios 6:4). Jehová rioladx que buñ ni ma noʼ xiin guisobyibu guirá instrucciones ni ma noʼ né diti guisianyibu responsabilidad reʼ ladxña stipnés buñ.
2. ¿Xí consej radudy Jehová a guirá mbiox?
Jehová ranab a guirá mbiox que non guisobyibu bixiosbu né xinaʼbu (bíil Colosenses 3:20). Pal toib mbiox rap respet né rasob bixios né xinaʼ, layibu sioʼyibu nakit né Jehová láaca (Proverbios 23:22-25). Jesús bisian toib ejemplo galán; ná diti gopbu galkié bisobbu né gopbu respet bixiosbu né xinaʼbu ná gocyibu buñ galkié (Lucas 2:51, 52).
3. ¿Xí non gony guirá famil par guisacyibu que noʼyibu gax Jehová?
Pal ma noʼ xiinlo nandxichno que raniiny looy que layibu gandxiʼyibu Jehová xomodca nadxiʼlo Jehová. ¿Ximod labúu gonylo láani? Guisoblo consej reʼ ni sieed ló la Biblia: «Non guisuidylo [xtiitz Jehová] guirá xiinlo né gaibylo láani layibu órni noʼlo lidxlo, órni saalo ló néz» (Deuteronomio 6:7). Órni buñ rasuidy xiin, láani ngú gaiby buñ láani layibu xidal buelt. Looy ma nanlo que non gaibylo láani xiinlo xidal buelt par guisetnaladxyibu láani. Texto reʼ radudyni diitz que non guiyopylo oportunida ortísi par guisuidylo xiinlo de Jehová. Láaca guiráto non cueʼto tiemp guirá xomal par gony adorarto Jehová né guisuidyto la Biblia toibsi. Ná diti noʼ xiinlo pal rasuidylo la Biblia por stiplooyca guirá xomal, sacnégoluʼni looy.
NANOY GUISUIDYNO LÁANI
Guisuidyno tipnés consej ni labúu gacné a guirá famil par tzoʼyibu sacró né nakit.
4. Bisuidy xiinlo né galrronladx
Guisuidylo xiinlo naganni. ¿Ximod labúu gacné la Biblia looy? Bíil Santiago 1:19, 20 né colgooy xtiitzni:
-
¿Ximod non guislooy buñ galnadxiʼ a guirá xiin órni raniné layibu?
-
¿Xigony buñ ni ma noʼ xiin dipa non gony corregirbu xiimbu órni cadzuitzbu? a
5. Gon xiinlo
Par ganlo xiinlo nigolú rasac guininélo tigaagayibu xi ngú sexo. Ndeʼ labúu ñony que natoylo. Colguibiʼ VIDEO reʼ né colgooy xtiitzni:
-
¿Xigony rasac nagan tipnés buñ guininéyibu xiinyibu de sexo?
-
¿Xí láani ma gocné tipnés buñ par guiniʼyibu de tema reʼ né xiinyibu?
Mod ná profecía ni sieed ló la Biblia, ló xcudxliogox Buñdzab laʼga radudy íz ma más noʼ cós mal. Colgoʼol 2 Timoteo 3:1, 13 né colgooy xtiitzni:
-
Tipnés buñ mal ni rasetlaa versículo 13 raxinyibu mbioxien. Por ngú ¿xigony rasac que buñ non guininéyibu ximbioxyibu de sexo? ¿Né xí láani non gonyibu par ganyibu xiinyibu órni noʼ ni ná guixin layibu?
¿Nanlo ndeʼ la?
Testigos xtuny Jehová rabeʼyibu xidal herramientas par guiquiin buñ órni guisuidyibu xiinyibu de sexo né par ganyibu xi láani gonyibu órni noʼ buñ ni ná guixin layibu. Ndeʼ nac tipnésni:
-
Colgan xiinto (video)
-
Guisuidyno de Jesús ni nac toib Galán Mextra, capítulos 10 né 32
-
«¿Ximod guiniʼlo de sexo né xiinlo?» (¡Despertad!, núm. 5 íz 2016)
6. Gop respet bixioslo né xinaʼlo
Mbiox né mbioxhlas non gapyibu respet bixiosbu né xinaʼbu, né ndeʼ sienni mod guininéyibu bixiosbu né xinaʼbu. Colguibiʼ VIDEO reʼ né colgooy xtiitzni:
-
¿Xigony galán láani que toib mbioxhlas guininébu né respet bixiosbu né xinaʼbu?
-
¿Ximod labúu guislooy toib mbioxhlas respet bixios né xinaʼ?
Colgoʼol Proverbios 1:8 né colgooy xtiitzni:
-
¿Xí raquiin gony toib mbioxhlas órni bixiosbu o xinaʼbu gaiby láabu xí láani raquiin gonybu?
7. Colgony adorar Jehová né xfamilto
Testigos xtuny Jehová rabeʼyibu tiemp guirá xomal par gony adoraryibu Dios né xfamilyibu. ¿Né ximod rony famil adoración reʼ? Colguibiʼ VIDEO reʼ né colgooy xtiitzni:
-
¿Xí labúu gacné layibu par gonyibu adoración lainy famil guirá ór?
-
¿Xí labúu gony buñ ni ma noʼ xiin par gonyibu adoración lainy famil par gacnéni xiinyibu né guioladxyibu gonyibu láani? (Bibiʼ retrat ni sieed ro rasaló lesiony reʼ).
-
¿Ronylo pensary que noʼ toib galnagan ni labúu gony que diti labúu guisuidylo né xfamilo la? ¿Xí láani?
Ló dzú ni see, Jehová gonab que guirá famil israelitas naninéyibu xiinyibu ni ná la Biblia. Colgoʼol Deuteronomio 6:6, 7 né colgooy xtiitzni:
-
¿Ximod labúu nasoblo consej reʼ?
Tipnés mod par labúu gonylo adoración né xfamilo:
-
Colguisuidy xquiichto par reunión ni rac lainy congregación.
-
Colgoʼol né colguiniʼ toib historia ni sieed ló la Biblia ni labúu gacné guirá xfamilto.
-
Pal xiinlo nacsabu mbioxien, goleʼ ló guiich o bilit láani lagary ro ná tarié ni gony mbiox ló jw.org.
-
Pal xiinlo nac mbioxhlasien, golú toib artículo ni laa galrracné par mbioxhlas ni sieed ló jw.org.
-
Colgony escenificar toib historia ni sieed ló la Biblia.
-
Colguibiʼ né colguisetlaa toib video ni sieed ló jw.org.
TIPNÉS BUÑ NÁ: «La Biblia nigolú naganni par mbioxien».
-
Looy ¿xí ronylo pensary?
¿XÍ BISUIDYLO?
Jehová raniiny que buñ gandxiʼ xiin, guisuidy né gan ximbiox; mbiox non gap respet né guisob bixios né xinaʼ, né raniiny láabu que guirá famil gony adorar láabu.
Repas
-
¿Ximod labúu guisuidy buñ né ganyibu xiinyibu?
-
¿Ximod labúu guislooy mbiox que rapyibu respet bixiosbu né xinaʼbu?
-
¿Xí galnasác racaʼ famil órni rabeʼyibu tiemp guirá xomal par gony adoraryibu Dios toibsi?
PAR GANLO MÁS
¿Xí cós labúu gacné xiinlo par ganyibu xi láani gonyibu órni ma nacyibu nigox?
«6 cós ni raquiin guisuidy xiinlo» (¡Despertad!, núm. 2 íz 2019)
Bíil tipnés consej ni gacné a guirá ni ran a toib buñgol.
«¿Ranab Dios gan buñ bixios né xinaʼ órni ma nacyibu buñgol la?» (Artículo ni sieed ló jw.org)
Gon ximod toib buñguieeu ni diti gon ximod nasniʼs ximbiox labúu bunybu láani.
Gon ximod toib buñ labúu guidzakbu xiimbu galán.
«¿Xí labúu gony toib buñ par diti galsitbu de xiimbu?» (Guiich ni caniʼ, 1 de noviembre íz 2011)
a Órni la Biblia rasetlaa de disciplina, radudyni diitz guisanésyibu né gony corregiryibu xiinyibu. Diti radudyni diitz quinyibu o gonynayibu xiinyibu (Proverbios 4:1).
Sigory láaca sioladxlo ndeʼ
NI MÁS RANABDIITZ BUÑ
¿Ximod rasuidy testigos xtuny Jehová buñ?
Órni guisuidylo né testigos xtuny Jehová labúu guiquiinlo nitisi traducción xtuny la Biblia. Labúu guiruʼlo guirá xfamilo né ximiglo par gony compañer looy.
