Ór ni noʼ toib ximigno ni radziguiaʼno, né ni rony respetarno, ronyno por gacno xomod láabu. «Jehová, toib Dios tzaay láabu, né láaca justo», ná la Biblia (Salmo 25:8). Para que labúu gacno ximig Dios raquiin gacno buñ tzaay. La Biblia ná: «Guisuuno Dios, xomod xiimbu ni ronladxbu, né colguisaa lo galronladx» (Efesios 5:1, 2). Ndeʼ nac chop tzón mod, ximod lóono labúu guisuuno Jehová:

Gacnéno stipnés. «Gonyno cós tzaay por guirá buñ.» (Gálatas 6:10.)

Lóono ronyno dxiin galán. «Ni rabann, ma diti cuann más, sino que gonybu dxiin nadip, que gonybu dxiin nadip né galán né ñabu.» (Efesios 4:28.)

Gacno buñ nayaa físico né moral. «Gac nayano de guirá cós mal de la carne né del espíritu, né gonyno por gacno nayaa xomod Dios.» (2 Corintios 7:1.)

 Gonladxno xhomilno né respet. «Que cada toibto [...] goonladx tzeʼel xomodca ronladxto lóocato; né lóoto, buñgonaʼ raquiin gapto xiroʼ respet tzeelto. Bimbiox, colguisob bixiosto.» (Efesios 5:33–6:1.)

Gonladxno stipnés. «Gonladxno a guirá buñ, portín amor sieedni de Dios.» (1 Juan 4:7.)

Guisobno ni ná gobierno. «Guirá buñ guisob ni ná [buñchiin] [...]. Colquiix a guirá ni nasaibyto: ni ranab impuesto, impuesto.» (Romanos 13:1, 7.)