Láani ngú guitudyno scásiʼ ni rony buñ lóono né diti tzanéno xian. Ndeʼ diti radudy diitz que non gony perdonarno par guiegsi laani.

NI NÁ LA BIBLIA: «Colgony guantary saʼto né colguituidy scásiʼ xcalkié saʼto né guidopy xcalnabanyto ná pal noʼ razón guidzuitzto» (Colosenses 3:13).

«Órni ronladxlo toib buñ diti racaʼlo cuidad pu rachébu, xalagary ngú, rabiʼlo xtem ni ronybu par guitzaʼbu mod nacbu» (Aaron).

Pal rinélo xian labúu coʼ malni looy né guixoʼlo, láaca labúu coʼni galnagan lainy xcaltzeelo.

«Toibtica buelt, tzeʼela gonab natudi scásiʼ ni bunybu naʼ. Ná gosac nagana natudi scásiʼ ni bunybu per bidxin midid buni láani. Ni más rioʼob naʼ la, ngú ni diti buni láani nimaca. Xcaltzeela diti nadudy ló galnagan» (Julia).

BUNY PENSARY LÓ NDEʼ

Órni tzeelo gony alga ni gonynaa looy:

• ¿Naclo buñ ni rioʼ nabann por nitisi cós ni gaiby buñ looy la?

• ¿Raquiin que gaiby buñ looy guitudylo láani scásiʼ o rialadxcalo láani la?

PAR GUININÉLO TZEʼELO

• ¿Balac raclano par guitudyno scásiʼ ni rony saʼno lóono?

• ¿Xí labúu gonyno par diti gaclano gonyno láani?

NI LABÚU GONYLO:

• Órni tzeʼelo gonynaa looy diti gonylo pensary que nompa bunybu.

• Goyoʼ xalagarybu, bisetnaladx que «guirácano rachéno xidal buelt» (Santiago 3:2).

«Diti nagan guitudyno scásiʼ ni rony saʼno lóono órni guiropcano napno dool, per más naganni órni toibsi nap dool. Par guitudyno scásiʼ ni rony buñ lóono raquiin gacno buñdxo» (Kimberly).

NI NÁ LA BIBLIA: «Buny por gony reglarlo galrradíil nimaca» (Mateo 5:25).