GUIICH NI CANIʼ Núm. 1, 2018 | ¿Raquiinra la Biblia ló xtzúno la?
¿RAQUIINRA LA BIBLIA LÓ XTZÚNO LA?
Rabésno ló toib Gudxlio ro bidza información né tecnología. ¿Raquiinra la Biblia ná nacni toib libro ni ma xidzú íz cuá la? La Biblia, láacani náni:
«Guirá ni caa ló la Biblia sieedni de Dios né rasuidyni buñ» (2 Timoteo 3:16).
Revista reʼ ni laa, Guiich ni caniʼ rasetlani pal la Biblia nigolúpa labúu guisanésni lóono ló guirá galnagan ni racalóno laʼga nabanyno.
¿Raquiinra xilitz la Biblia ló xtzúno la?
Rabésno ló toib Gudxlio ro bidza información né tecnología. Por ngú, ¿xigony golno toib libro ni cuá ma de goló chop mil íz?
Xcalnan la Biblia dipa radudy xtzúni
Ná nogoluʼ galnan ló naareʼ, la Biblia dipa radudy xtzúni portín guirá ni sieed loni racnéni lóono gacno buñ ni noʼ xcalrrien.
¿Ma godudy xtzúni o más nanni que buñnan la?
La Biblia diti nacni toib libro de ciencia, per sadziguiaʼlo ximod láaca rasetlani de ciencia.
1. Racnéni lóono diti tzaguiabno ló galnagan
Bisuidy ximod xilitz la Biblia ma gocnéni buñ par diti tzaguiabyibu ló stipnés galnagandaʼ.
2. Racnéni lóono gony reglarno galnagan
Xilitz la Biblia racnéni lóono gony reglarno galnagan ni nigolú ratuidy lóono ló galrrioʼob xomod órni radudy midid rioʼ buñ galrrasaʼ, órni buñ rasian xchiin par stoib ór, órni buñ rioʼ nabann portín noʼ toib.
3. Racnéni lóono guicalóno galnagan
Noʼ galnagan ló naareʼ ni ma diti nap remeidy, xomod órni xfamilno raity o caxoʼsiino ¿labúu gacné la Biblia lóono ló galnagan reʼ la?
La Biblia né ló dzú ni sietra
Xtiitz Dios racnéni lóono guicalóno galnagan dzú ná dzú ló gudxliogoxreʼ ro diti nanno xí guisaclono. Per diti ngúsi, láaca rasaníni lóono ló dzú ni sietra.
¿Looy xí nálo?
Bibiʼ ni raluladx tipnés buñ né xí rasuidy la Biblia de tema reʼ.
