BUÑGUDXLIO

¿Xí ná la Biblia? Dios «diti xilaʼsi bisaʼbu gudxlio, xalagary ngú bisaʼbu láani par tzoʼ ni guibany loni» (ISAÍAS 45:18).

GUDXLIO

¿Xí ná la Biblia? «Tipnés rál né stipnés raity, per gudxlio sioʼni por tipzó» (ECLESIASTÉS 1:4).

¿XÍ RADUDYNI DIITZ? La Biblia ná que Gudxlio dipa sanitlóni né guirási ór sioʼ ni guibany loni. Per ¿xí radudyni diitz órni rasetlani fin xtuny gudxliogoxreʼ?

BUNY PENSARY LÓ NDEʼ. La Biblia rony comparar fin xtuny gudxliogoxreʼ né ni góc ló xtzú Noé. Ló dzúcu goyogoluʼ cós yox ló Gudxlio (Génesis 6:13). Per Noé góc toib buñguieeu ni bisob ni ná Dios, por ngú bilaa Dios láabu né xfamilbu, per binitlóbu buñ mal né toib guiérodann. La Biblia rasetlaa xi láani góc: «Toib guiérodann binitló gudxliogox ni goyoʼ ló dzú ni see» (2 Pedro 3:6). Modreʼ binitló gudxliogox ni goyoʼ ló dzúcu. Per ¿xí láani binitló? Gudxlio diti noʼ xi góc, buñ mal binitló. Órni la Biblia raniʼ fin xtuny gudxliogoxreʼ, diti radudyni diitz que Gudxlio reʼ guinitló. Xalagary ngú radudyni diitz que buñ mal sanitló né guirá ni ma bunyibu.

GALNAGAN NÉ CÓS MAL

¿Xí ná la Biblia? «Stidxosi tiemp, né buñ mal ma diti sioʼ; sayopylo layibu ro goyoʼyibu, né ma diti sioʼyibu cú. Per buñ nadaʼa sabany ló gudxlio, né nigolú sioʼ nakityibu né saguaʼyibu goxtiguie» (SALMO 37:10, 11).

¿XÍ RADUDYNI DIITZ? Después ni góc guiérodann, buñ gosaló buny mal a guirá buñ ni goyoʼ ló dzúcu. Guiérodann ni góc ló xtzú Noé diti binitlóni guirá cós mal. Per mápa mer sanitló Dios guirá cós mal ni noʼ ló Gudxlio. Mod goniʼ salmista, «buñ mal ma diti sioʼ». Dios saquiin Gobierno xtuny ni noʼ lainy guibá par guinitló cós mal, né sony mandaryni buñ ni guisob a Dios.

BUNY PENSARY LÓ NDEʼ. ¿Xí gac né gobierno ni noʼ ló Gudxlio? ¿Sacnéyibu Gobierno xtuny Dios la? La Biblia ná que yaca. Xalagary ngú sacalóyibu Jehová (Salmo 2:2). ¿Né xí láani gac? Gobierno xtuny Dios sioʼni xalagary guirá Gobiernos ni noʼ, né nosi Gobierno reʼ «sioʼni por tipzó» (Daniel 2:44). Per ¿xigony ma diti gony mandary guirá gobiernos ni noʼ?

¿Xí ná la Biblia? «Buñ diti labúu ragonésbu láacabu. Buñ ni casaa stipláacabu diti labúu ragonésbu mod rasaabu» (JEREMÍAS 10:23).

¿XÍ RADUDYNI DIITZ? Buñgudxlio diti goyaʼyibu par gony mandaryibu láacayibu. Por ngú, diti labúu rony mandaryibu a stipnés buñ né diti labúu rony reglaryibu xcalnagan buñ.

BUNY PENSARY LÓ NDEʼ. Enciclopedia Britannica Academic rasetlani que gobiernos ni noʼ ló Gudxlio «diti labúu racalóyibu xi enemigyibu xomod: galgovin, galrralán, galguitz, guiérodann, xo rodann, guerr né stipnés cós mal». Né láaca náni: «Tipnés [...] buñ rony crer que nosi toib gobierno labúu gonyni gan guirá enemig reʼ por tipzó». Per ná guirá gobiernos ni noʼ ñacyibu toibsi, diti labúu nanitlóyibu guirá galnagan ni noʼ, portín nacyibu buñ galkié. Nosi Gobierno xtuny Dios nap galnadip par guinitló guirá galnagan por tipzó.

Mod ná la Biblia, buñtzay diti non guidzuiby órni guinitló gudxliogoxreʼ, ndeʼ radudy diitz buñ mal. Gudxlio copy ni ná Dios guidudy lóono, sioʼni xalagary gudxliogox ro rabésno.

¿Pu dzú gac ndeʼ? Ló artículo ni sieed sabexa xi ná la Biblia.