Apóstol Pablo gochbu cristianos de Tesalónica: «Pal toib diti rasob ni bicaʼno ló guiich reʼ, non guiliñato láabu» (2 Tes. 3:14). Nírcu gonino que instrucción reʼ gocni par ancianos. Pal toib buñ diti ragoʼ cuent principios ni sieed ló la Biblia, ná ancianos ma bilitz láabu xidal buelt, ancianos labúu natuʼdy toib discurs lainy congregación par ñan herman láani. Né desde dzúcu, herman ma nosi nadzak láabu lósi reunión né predicación.

Per, nigoreʼ ma rienno que consej ni biduʼdy Pablo, raduʼdyni diitz toib cós ni ma tigaaga herman non gony. Por ngú, ma diti fuerspa guituʼdy ancianos toib discurs lainy congregación par gan herman láani. ¿Xigony bidzaʼ mod rienno láani? Guisuidyno xigony bicaʼ apóstol Pablo láani.

Pablo goniʼ que lainy congregación, goyoʼ tipnés herman «ni diti ná guisob». Diti goloʼyibu cuent consej ni biduʼdy Pablo layibu né xcalrracné Xtiitz Dios. Por ejemplo, órni Pablo goyguen layibu, gochbu guirá biinreʼ: «Pal noʼ ni diti nainy gony dxiin, láaca diti guábu». Ná scú, tipnésyibu diti gosaguel ñony dxiin, ná labúu ronyibu láani. Láaca goyoʼyibu ló xcós stipnés ro diti noʼ xi portín tzoʼyibu. ¿Ximod non ñony herman né buñ ni góc de clas reʼ? (2 Tes. 3:6, 10-12).

Pablo goniʼ: «Non guiliñato láabu». Diitz griego, raduʼdyni diitz gan buñ chú láabu cayony láani, né gap buñ cuidad par diti guicá mod ni ronybu buñ. Instrucción gocni par guidopy congregación, diti nosi par ancianos (2 Tes. 1:1; 3:6). Por ngú, pal toibtica cristiano naduʼdy cuent que stoib hermano diti casob consej ni sieed ló Xtiitz Dios, ma stipláacabu nagoʼbu guicbu ma diti guidzakbu hermanocu

¿Raduʼdy ndeʼ diitz que góc né láabu modca góc né toib buñ ni ma bireʼ lainy congregación la? Yaca, portín Pablo láaca goniʼ: «Colguiduʼdy consej láabu xomod xhermanto». Por ngú tigaaga cristiano labúu nadzakra láabu ló reunión né ló predicación, per diti nadudybu tiemp né herman reʼ ló galnakitien. Né Pablo golexa xigony: «Par guitoy lóbu». Ni diti nadzak buñ toib cristiano ni diti ná guisobdiitz, labúu ñonyni que natoy lóbu por mod ronybu né natzaʼbu (2 Tes. 3:14, 15).

¿Né lóono ga? ¿Ximod labúu guisobno consej reʼ ló naareʼ? Primer, non ganno pal nigolúpa herman cu «diti ná guisob», mod goniʼ Pablo. Láabu diti goniʼbu de herman ni gadzé mod ragoʼ guic gony, ló toib cós ro ma tigaaga buñ gan xi láani gony. Né láaca diti goniʼbu de buñ ni raninaa lóono. Pablo goniʼ de herman ni ma nompa diti rasob, ná ma cuaʼbu consej ni sieed ló la Biblia.

Pal raduʼdyno cuent que toib hermano diti casob toib consej ni sieed ló la Biblia, a ma tigaagano coʼno guicno diti guidzakno láabu ló galnakitien. Ma tigaaga herman gan xi láani gony, por ngú nosi labúu gaibyno láani xfamilno ni rabés toibsi né lóono ni nac Testigo. Né sadzakrano herman reʼ ló reunión né ló predicación. Órni guitzaʼbu mod nacbu, labúu cobiono láabu suusi nírcu.