¿Ñoladxlo ñacnéni más looy órni guisuidylo xquiichlo toiblo la? Guirá ni sieed reʼ sacnéni looy par coʼlo guiclo ló ni casuidylo.

• Biyopy toib lagary sacróyen ro labúu guisuidylo. Biyopy toib lagary ro nayaa ro diti dxeretz cós né ronoʼ galnaní. Goruu nisló toib mexh, biyopy toib lagary ro labúu tzoʼlo toiblo.

• Biyopy toib lagary ro labúu tzoʼlo toiblo. Jesús goloʼ guic ñony oración «rosildiguieʼ» o «ro diti noʼ buñ» (Mar. 1:35). Pal diti labúu rioʼlo toiblo, labúu gaibylo xfamilo ni rabés né looy pu ór nainy guisuidylo né góoch layibu diti gonynudyibu looy órcu.

• Goleʼ cós ni labúu gonynudy looy. Pal raquiinlo teléfono o tableta par guisuidylo bilit volumen xtunyni o goloʼ láani de toib mod ni diti gonynudyni looy. Né pal laʼga casuidylo rasetnaladxlo toib cós ni non gonylo, bicaʼ láani par gonylo láani órni ma biloxlo. Gosagadzu tipratien pal rasacnaganlo coʼlo guiclo ló ni casuidylo.