Dios radudy galnasác a buñ ni racné a stipnés
Xidal buñ diti nap ni guá nili toib yoʼ ro cués. Stipnés buñ raquiin gap esperanza. ¿Ximod labúu gacnéno buñ né modreʼ guidudy Dios galnasác lóono?
NI NÁ LA BIBLIA
«Ni raslooy galrronladx a buñ ni caquiin láani castiʼnbu a Jehová, né Dios sadudy galnasác láabu por ni bunybu» (PROVERBIOS 19:17).
¿XÍ LABÚU GONYNO PAR GACNÉNO STIPNÉS?
Jesús bisetlaa toib historia de toib buñguieeu ni biab ladxña buñ gobáan né merpa ñaitybu (Lucas 10:29-37). Toib buñguieeu natzaay de stoib gudx gocné láabu ná diti gocyibu de toibsi gudx.
Buñtzay reʼ diti nosi bisialbu ló xi herid buñguieeu reʼ, láaca godixbu par ñacbu remeidy. Né láaca cuábu cuidad que buñguieeu reʼ ñal.
¿Xí rasuidyno ló historia reʼ? Jesús bisuidy que raquiin gonyno rutirigaʼlni lóono par gacnéno stipnés (Proverbios 14:31). La Biblia ná que mápa mer Dios sabeʼ galsii né galrrioʼob. Per ¿ximod né pu dzú sonybu láani? Ló artículo ni sieed rasetlani galnasác ni guidudy Dios looy.
