La Biblia rasuidy que guirá buñ nap galkié. Guirácano godudy xcalkié Adán lóono. Por ngú, rioʼ ór rachéno né después rioʼob xcalnabanyno né ni ma bunyno. Jesús, Xiin Dios, goitybu par godixbu xcalkiéno. Xcalgoitybu rony que labúu tudy xcalkiéno scásiʼ. Xcalgoity Jesús nacni toib galrrascad xtuny Dios (Bíil Romanos 3:​23, 24).

Noʼ tipnés buñ ni ma buny galkié rodann né ranabdiitzyibu pal sioʼ dzú satudy Dios scásiʼ xcalkiéyibu. La Biblia rasetlaa ndeʼ: «Xiruny Xiimbu Jesús rasiá lóono de guirá galkié» (1 Juan 1:7). Scú láani, Jehová ratudy scásiʼ xcalkiéno ná nacni toib galkié rodann, pal rac arrepentirno né guidopy xcalnabanyno (Bíil Isaías 1:18).

Pal nainy lóono guitudy Jehová scásiʼ xcalkiéno non guimbuno láabu: guienno guirá ni ronybu, xconsejbu né ni rony mandarybu gonyno (Juan 17:3). Jehová ratudy scásiʼ xcalkié guirá buñ ni rac arrepentir né guidopy xcalnabany (Bíil Hechos 3:19).

Diti nagan coʼnakitno xcalnabany Dios, láabu riembu que nacno buñ galkié. Jehová natzaaybu né napbu galrronladx. ¿Diti rachiinni looy ganlo xí labúu gonylo par guicacuentbu looy la? (Bíil Salmo 103:​13, 14).