¡NANÍSI COLGUIGUAʼ!
Guirá cós casacgoluʼni | ¿Xí ná la Biblia?
«Cós cayaʼpygolu loni», scá goniʼ toib presidente de Grupo del Banco Mundial ló toib informe de juny íz 2022. «Xalagary guietj ló guirá cós cayaʼpygolu loni más, né buñ ma diti nap xiroʼ bidxiich par siʼ cós».
«Gasolin né ni ro buñ ma más rasacni, né ni más cadudy ló galnagan ngú buñ pobre», ngú ni ná Fondo Monetario Internacional.
La Biblia racné lóono guienno xigony cacalóno guirá galnagan reʼ ni cayaʼpy ló cós, ximod labúu guicalóno láani né xi esperanza noʼ par guinitlóni por tipzó.
Cós casacgoluʼni «ló dzú ni ma guidubylagaʼ»
La Biblia rabeʼ laani que ma nabanyno «ló dzú ni ma guidubylagaʼ» (2 Timoteo 3:1).
Jesús goniʼ que «sioʼ cós nadzuʼpy» ni gac ló naareʼ (Lucas 21:11). Buñ radzuiby órni riaʼpy ló cós. Buñ rioʼ ló galrrasaʼ ximod tudy dzú né pal labúu guiyaʼanyibu xfamilyibu.
Libro xtuny Apocalipsis rasetlaa que ló naareʼ guirá cós siaʼpy loni. Náni scareʼ: «Bicadiaga ni ralooypani nac toib rudx, ni goniʼ: Toib litro de trigo por toib denario né tzón litros de cebada por toib denario» (Apocalipsis 6:6).
Par ganlo más xi gac «ló dzú ni ma guidubylagaʼ» né profecía ni sieed ló Apocalipsis bibiʼ video ni laa, Íz 1914 gudxliogoxreʼ bidzaʼ mod nacni né bíil artículo ni laa, «¿Qué representan los jinetes del Apocalipsis?».
¿Ximod gac reglar guirá galnagan reʼ?
«Sasaʼyibu yoʼ né sabésyibu lainyni; sasagaʼyibu labaa balach né sooyibu xcaani. Diti sasaʼyibu yoʼ né stoib cués lainyni nili sasagaʼyibu yac cuánnax né stoib soo xcaani» (Isaías 65:21, 22).
«Sioʼgolu ni guá buñ ló gudxlio, laidy dainy sioʼgoluni» (Salmo 72:16).
«Por guirá buñ ni cadudy ló galrrioʼob, por galrragobladx buñ pobre, siása né noʼ ni goni, ná Jehová» (Salmo 12:5). a
Dios mápa mer sanitlóbu galsii, diti nosi lainy toib gudxrop, sácni ló guidopynac Gudxlio. Par ganlo ximod sácni, bíil artículo ni laa, «¿Es realista esperar un sistema económico justo?».
Per la Biblia labúu gacné looy ló naareʼ par labúu guicalólo galsii. ¿Ximod? Napni consej ximod labúu guiquintzaylo xpidxiichlo (Proverbios 23:4, 5; Eclesiastés 7:12). Par ganlo más bíil artículo ni laa, «Cuide su economía» né «Cómo vivir con menos».
a Laa Dios ngú Jehová (Salmo 83:18).
Sigory láaca sioladxlo ndeʼ
DE LÓODO
¿Xigony guisuidyno la Biblia?
La Biblia cayacné a xidalguixo buñ ló guidopynac Gudxlio par guidzelyibu guirá galrranabdiitz ni más rony buñ. ¿Nainy looy gaclo toibtica de layibu la?
DE LÓODO
Gonab ni tzáguen looy
Bisuidy ximod rabexa la Biblia tipnés galrranabdiitz o bisuidy más de testigos xtuny Jehová.
