Beʼo 24 de may íz 2022, goyoʼ toib desgrasy rodann lainy toib gudxyen ni laa Uvalde Texas Estados Unidos. Mod ná The New York Times, «toib buñguieeu bigaitybu 19 mbioxien né xchop mextra lainy yolayscuel».

 Nabanni, per guirá ndeʼ casi guirá ór racni. Guiich ni laa, USA Today rasetlani «que goyoʼ 249 lagary ro buñ bigastir a xidal mbioxien godobís más que stipnés íz desde íz 1970».

 ¿Xigony rac guirá cós mal reʼ? ¿Ximod labúu guicalóno cós mal reʼ? ¿Noʼ toib razón que guirá ndeʼ sanitló la? La Biblia racapy láani.

•    La Biblia rasetlaa que ma rabésno «ló dzú ni ma guidubylagaʼ» né sioʼ buñ «ni diti nap galrronladx» né láaca sioʼ «buñ nadox» né «sonyibu cós mal ni más nadzuʼpy» (2 Timoteo 3:1-5, 13). Par ganlo más, bíil artículo ni laa, «¿Predijo la Biblia cómo sería la gente en nuestros días?».

 Xidal buñ ranabdiitz: «¿Xigony radudy Dios lagary que buñ guigastir mbioxien lainy yolayscuel?». Par ganlo más bíil artículo ni laa, «¿Por qué le pasan cosas malas a la gente buena?».

•    «Guirá cós ni cuá ló dzú ni see, cuáni par guisuidyni lóono, guirá ni caa ló Xtiitz Dios racnéni lóono gony guantaryno, rasialdóni xcalnabanyno né radudyni lóono esperanza» (Romanos 15:4).

 Ni ná la Biblia labúu gacné lóono guicalóno guirá cós mal ni cayac ló Gudxlio. Bíil ni ná revista ¡Despertad! ni nap título ni laa, «La violencia nos hace sufrir a todos».

 Buñ ni ma noʼ xiin, labúu gacnéyibu xiinyibu órni rasac malyibu ni rabiʼyibu notísy de guirá cós mal ni cayac, raquiin goʼolyibu artículo ni laa, «El efecto de las noticias en los niños».

•    «Dios salaa layibu de galrrioʼob né cós mal ni cayac» (Salmo 72:14).

•    «Espad xtunyibu sonyibu láani guip par guilaʼyibu ló layoo, né lanz xtunyibu sonyibu láani hoz. Gudxrop né gudxrop ma diti sadíil né ma diti sasuidyibu par tíilyibu ló guerr» (Miqueas 4:3).

 Dios sanitló guirá ni diti labúu rony buñgudxlio. Gobierno xtunybu ni noʼ guibá sanitló guirá guip né láaca sanitlóni cós mal. Par ganlo xi guirá gony Gobierno reʼ, bíil artículo ni laa, «El Reino de Dios traerá paz en abundancia».