¿Guirá profecías ni sieed ló la Biblia raslooyni que Jesús ngú Mesías la?
Mod rabexa la Biblia láani
Scú. Laʼga goyoʼbu ló Gudxlio, Jesús buny cumplir xidal profecías ni ritlaa de «Mesías El Caudillo», ni nadxin «nalaa guirá buñ» (Daniel 9:25; 1 Juan 4:14). Después ni ma goitybu Jesús buny cumplir tipnés profecías ni ritlaa de Mesías (Salmo 110:1; Hechos 2:34-36).
¿Xí radudy diitz Mesías?
Título hebreo Maschíaj (Mesías) né título griego Kjristós (Cristo) radudyni diitz «Ungido». Por ngú, Jesucristo radudyni diitz «Jesús el Ungido» o «Jesús el Mesías».
Ló dzú ni see par ñony ungiryibu o par nabúyibu toib buñ par ñony toib dxiin ni nigolú rasac, bixúyibu aceity guic buñ reʼ (Levítico 8:12; 1 Samuel 16:13). Dios goloʼbu Jesús par ñac Mesías, toib dxiin ni nigolú rasac (Hechos 2:36). Órni Dios buny ungir a Jesús diti biquiimbu aceity, xalagary ngú biquiimbu espíritu santo (Mateo 3:16).
¿Labúu ñony cumplir más de toib buñ profecías ro ritlaa de Mesías la?
Yaca. Xomodca toib huella digital, rony identificarni a toibsi buñ, scúca profecías ni sieed ló la Biblia raniʼni de toibsi Mesías, o Cristo. La Biblia ná: «Portín sioʼ xidal ni guiniʼ que nac cristo né profeta né sonyibu galrradziguiaʼ né cós ni guidziguiaʼ buñ, par guiscúyibu buñ, dada buñ ni cacanal Cristo» (Mateo 24:24).
¿Labúu nadxin Mesías ló dzú ni sietra la?
Yaca. La Biblia bisetlaa que Mesías ñeed de xfamil David, ni góc toibtica rey de Gudx Israel (Salmo 89:3, 4). Per guirá registros genealógicos de xfamil xtuny rey David binitlóni. Raloyni binitlóni órni buñ romanos binitlóyibu gudx Jerusalén íz 70. a Desde dzúcu ni toib buñ labúu naniʼ que sieed de famil David. Per guirá registros cú goyoʼni ló xtzú Jesús, né nili xi enemigbu diti labúu naniʼ que Jesús diti sieed de xfamil David (Mateo 22:41-46).
¿Balac profecías ni sieed ló la Biblia raniʼ de Mesías?
Diti labúu guinino balacpa profecías ni raniʼ de Mesías noʼ. Diti toibsi midid ragap buñ profecías reʼ, ná la Biblia nayadit raniʼni de Mesías. Por ejemplo, Isaías 53:2-7 rasetlani xidal cós de Mesías. Noʼ tipnés buñ ni raniʼ que ndeʼ nacni toibsi profecía, per noʼ stipnés ni ragap láani suusi ñacni xidal profecías.
Tipnés profecías ni ritlaa de Mesías ni góc cumplir lóo Jesús
Profecía |
Ni ma góc |
Mod birebuʼni |
|---|---|---|
Xfamil Abrahán |
||
Famil Isaac, xiin Abrahán |
||
Tribu xtuny Judá |
||
Famil xtuny rey David |
||
Xiin toib buñgonaʼ ni diti ma goyoné toib buñguieeu |
||
Golbu gudx Belén |
||
Góc laabu Emmanuel b |
||
Diti gócbu buñ farmay |
||
Noʼ ni bigaity mbioxien después ni golbu |
||
Goyoʼ ni bixelcaʼ láabu de Egipto |
||
Bimbu buñ láabu xomod Nazareno c |
||
Goyoʼ toib ni goniʼ que ñeedbu |
||
Góc ungirbu xomod Mesías ló íz 29 d |
||
Dios goniʼbu que xiimbu ngú Jesús |
||
Nigolú gosac lidx Dios par láabu |
||
Buny predicarbu diitz sacró |
||
Dxiin ni bunybu gudx Galilea gocni xomod toib guii rodann |
||
Xomodca Moisés, bunybu galrradziguiaʼ |
||
Xomodca Moisés, goniʼbu ni goniiny Dios |
||
Bisialbu xidal buñguitz |
||
Diti biyopybu mod nasacbu nisló buñ |
||
Binladxbu buñ ni godudy ló galrrioʼob |
||
Bisuidybu xinésni de Dios |
||
Maravilloso Consejero |
||
Bisuidybu buñ laa Jehová |
||
Bisuidybu né ejemplos |
||
Gócbu toib Líder |
||
Xidal buñ diti buny crer lóbu |
||
Nareʼgan buñ xtolbu |
||
Buñ goleʼ láabu tiplad |
||
Buñ bianladx láabu ná diti goyoʼ razón ñonyibu láani |
||
Buñ nigolú bibaladx órni goyoʼbu gudx Jerusalén dxiʼpbu toib bor |
||
Mbioxien bunyxiroʼ láabu |
||
Bieedbu ló laa Jehová |
||
Toibtica ximigbu buny traicionar láabu |
||
Góc traicionar láabu por 30 nilas de plata e |
||
Ximigbu bisian láabu |
||
Testig falz goniʼ mal de láabu |
||
Diti goniʼbu nisló buñ ni bigotz dool láabu |
||
Bichixunyibu Jesús |
||
Bunynaayibu guic Jesús |
||
Bunynaayibu Jesús |
||
Diti góc defenderbu órni goyoʼ ni godin láabu |
||
Buñchiin gocyibu toibsi par cualóyibu Jesús |
||
Cuábu ló toib yac nadop |
||
Goloʼ buñ suert xhapbu |
||
Buñ goniʼ que sacbu toib buñ galkié |
||
Buñ bitzaldaʼ né bibixladx láabu |
||
Gosaguelbu godudybu ló galrrioʼob xtol buñ galkié |
||
Ralooypani Dios ma bisian láabu |
||
Bidudyibu vinagre ni biotz né guixaʼ ni nalaa |
||
Golaʼnbu nís antes de ñaitybu |
||
Bidudybu espíritu xtunybu Dios |
||
Goitybu par por buñ |
||
Goitybu par nalaabu buñ de galkié |
||
Ni toib dxitlaidybu golaʼ |
||
Buñ bitzaʼis toib lanza cueʼbu |
||
Bigachbu xomod toib buñ ric |
||
Biásbu lad gueʼet |
||
Buñ ni buny traicionar láabu, goyoʼ stoib xalagarybu |
||
Sobbu ladbuʼ Dios |
a Cyclopedia de McClintock né Strong ná: «Guirá registros de famil judíos binitlóni órni binitló gudx Jerusalén, diti gocni antes».
b Laa hebreo Emmanuel, radudyni diitz, «Né Lóono Noʼ Dios», raniʼtzayni dxiin ni buny Jesús xomod Mesías. Órni goyoʼbu ló Gudxlio né guirá ni bunybu, bislooyni que Dios noʼ né guirá ni rony adorar láabu (Lucas 2:27-32; 7:12-16).
c Diitz Nazareno ralooypani sieed ló diitz hebreo nétser, ni radudy diitz «brote».
d Pal nainy looy ganlo ximod cronología ni sieed ló la Biblia raniʼni que Mesías nadxin ló íz 29. Bibiʼ artículo ni laa, «Profeta Daniel raniʼ pu dzú guieed Mesías».
e Profecía reʼ noʼni ló libro xtuny Zacarías, per Mateo toibtica ni bicaʼ la Biblia goniʼ: «Ndeʼ ni goniʼ profeta Jeremías» (Mateo 27:9). Ralooypani rioʼ ór libro xtuny Jeremías, goyoʼni primer ló sección de Escrituras ni góc laa «Profetas» (Lucas 24:44). Sigory Mateo biquiimbu Jeremías par naniʼbu guirá sección reʼ, ni láaca raguiñani libro xtuny Zacarías.
Sigory láaca sioladxlo ndeʼ
¡DESPERTAD!
Toib buñgonaʼ judía rabexa xigony bitzaʼbu mod bunybu crer
¿Xí láani buny convencer a Racquel Hall que Jesús nac Mesías ni golésbu xidzú tiemp?
