LECCIÓN 03
¿Wake uxenlallechho den shnha le Biblia?
Le Biblia shnhan den ba bnha Dios gunhe den ze za nha lekseka shneyueiden chhio. Xhull lhe chhaklhallo nezdo bixhen shlueide Biblia. Per lekseka chhunho xbab shi nheke deliʼ den shnha Biblia. ¿Wake uxenlallechho den shneyueiden chhio nha den shnhan gake dubilla shi nheken tu libr de byoj kanhite? ¿Chhaklhenhen chhio nella? ¿Wake shejlechho ka den shnhan gake dubilla? Zan bene dsejlie den shnha Biblia. Shtiplhalleto lhe ga kuinho wio shi nheke deliʼ ka den shnha Biblia.
1. ¿Deliʼ guk yuge ka den shnha Biblia?
Le Biblia shnhan deke nsan «dille liʼ» nha nyojen kayane kun kan guke (Eclesiastés 12:10). Yuge den za le Biblia deliʼ guken nha bene kaʼ dsetjen deliʼ bezenhite (blhab Lucas 1: 3 nha 3: 1, 2). Zan historiadores nha arqueólogos ba bezenhe dek deliʼ den shnha Bibliaʼ, kate shnhan bat guken nha ga guke den shchaljen.
2. ¿Bixchen dxenlallechho den shnha Biblia lakse nheken tu libr de byoj kanhite?
Zan lhaz Biblia dsetjen zan deka de bit bzumbia bene ka bnhite kanha. Tu deki, dsetjen che den chhezezed benen che ciencia. Katen byoj Biblia lage yuge bene chhejlie che denhi. Per, nella, ciencia shluen deke den shnha Biblia nheken deliʼ. Dille den za le Biblia «tuliteze uxenlallechhon, naʼ nha par tushize» (Salmo 111:8).
3. ¿Bixchen dxenlallechho den shnha Biblia gake de ze za?
Biblia nsan profecías a de shnhan «yuge de ze gake» (Isaías 46:10). Bnhan zan bi de gake zan iz antslhe gake deki. Lekseka, chhetilh ka den shnhan lhen ka den chhak lhau Yellʼlhiu nhi nella. Lhau lección nhi uzedchho bale profecías che Biblia, nha wiachho nhak chhetilen lhen den chhak nella.
UZEDCHHO WEN TEMA NHI
Wiachho nhak den ba nezde ciencia chhutilen lhen den shnha Biblia nha uzedchho bale profecías de zak le Biblia.
4. Ciencia shluen deke den shnha Biblia nheken deliʼ
Kanhite, zan bene dsejlie deke Yellʼlhiu deʼe tu de nhua len. Le wia VIDEO.
Wiashke de byoj ba guk 3.500 iz lhau libr che Job. Le ulhab Job 26:7 nha le ushalj che denhi:
-
¿Bixchen nheken tu de chhezbanden chhio ka den nyoj le Biblia deke Yellʼlhiu bit «bi nhua len»?
Ze guk 200 iz deke benen beyajnhide wen nhakxhen nheke ciclo che nhisen. Per wia den shnha Biblia ba guk zan mil iz. Le ulhab Job 36:27, 28 nha le ushalj che denhi:
-
¿Bi de chhazlhallo lhe ka den shnhe nhi che ciclo che nhisen?
-
¿Chhaklhen texto deki ba blhabchho lhe par uxenlallechho den shnha le Biblia?
5. Biblia bnhan bi de ze gake de nheke de llialhau
Le ulhab Isaías 44:27-45:2 nha le ushalj che denhi:
-
¿Bi de bnha Biblia gake kate kuiayi Babilonia 200 iz antslhe gake denhi?
Ka den bach guk shluen deke iz 539 ka ze galje Cristo tu rey che Persia bene lhe Ciro nha bene udile chie beselliaye Babilonia. De nech, beseleʼ xhnez nhis den nyechjede Babilonia. Nhach guk bzue por niche sjanyaljo puerta che Babilonia, nha ka guk beselliayen sin ka bezedile. Bach guk 2.500 iz guk denhi, nha axtu lla nella ka nheke Babilonia nitu bene ka nhite lhawen. Wiashke bill de bnha Biblia gake.
Le ulhab Isaías 13:19, 20 nha le ushalj che denhi:
-
¿Nhak guk kan shnha profecía nhi?
De began che Babilonia, gan zu Irak
6. Biblia bach bnhan yuge deka chhak nella
Biblia shnhan deke naʼ ba zuchho «lla uzebe» (2 Timoteo 3: 1). Wiashk ka den shnhan gake nella.
Le ulhab Mateo 24:6, 7 nha le ushalj che denhi:
-
¿Bi dille de llialhau shnha Biblia gake naʼ zuchho lla uzebe?
Le ulhab 2 Timoteo 3:1-5 nha le ushalj che denhi:
-
Kan bnha Biblia, ¿bi de chhun benen de shluen deke naʼ zuchho lla uzebe?
-
Ka den shnha le texto nhi deke zun bene, ¿ka nhuxlen shleido lhe nella?
DE CHHEZENHA BALE BENE: «Dille den shnha Biblia nheken de wenlalle nha de ka guke».
-
¿Bi de shguyelen lhe deke wake uxenlallo den shnha le Biblia?
DE LLIALHAU
Ciencia, den ba guk nha profecías kaʼ shluen deke wake uxenlallechho den shnha Biblia.
De bzedchho
-
¿Nheke Biblia tu libr de shnha dille liʼ, o shi de wenlalle?
-
¿Nhak shlue ciencia deke den shnha Biblia nheken deliʼ?
-
¿Chhejlio deke Biblia chhuen dille che den gake dubilla? ¿Bixchen chhunho xbab kaʼ?
GA NEZELLDO CHE DENHI
Kan chhezenha científicos kaʼ, ¿nheke de tuli den shnha Biblia?
«¿Chhetilh den shnha Biblia lhen den bach nezde ciencia?» (Artículo che jw.org)
¿Bi de shluen deke zuchho «lla uzebe»?
«Xop profecías de zak le Biblia de chhak nella» (La Atalaya, 1 che mayo che 2011)
Bnezde nhak guk profecías den zak le Biblia che den bnhan gake che Imperio griego.
Wia nhak profecías den zak le Biblia benhen deke tu bene byio yeshe xbab den nhape che Biblia.
a Profecías nheken dille de za che Dios, nha shnhan bi gake de ze za.
