JANUWARI 1, 2019
EKYRGYZSTAN
Ushintsho Olungokomthetho Olujabulisayo E-Osh, EKyrgyzstan
NgoNovemba 30, 2018, uMnyango Wezomthetho WaseKyrgyzstan wabhalisa ihhovisi loFakazi BakaJehova elise-Osh, okuyidolobha lesibili kwamakhulu kunawo wonke eKyrgyzstan, ngokusemthethweni.
Nakuba abafowethu bebebhaliswe ngokusemthethweni eKyrgyzstan kusukela ngo-1998, ngemva kokumiswa komthetho omusha olawula ezenkolo ngo-2008, iziphathimandla bezilokhu zikwenqabela ukubhaliswa kwenkolo yoFakazi emadolobheni asezingxenyeni eziseningizimu, i-Osh ikuleyo ngxenye yezwe. Ngenxa yalokho iziphathimandla bezilokhu zibheka imihlangano yabafowethu engokwenkolo kanye nomsebenzi wabo wokushumayela njengokungekho emthethweni. Iziphathimandla sezike zahlasela emizini yoFakazi nasezindaweni ababambela kuyo imihlangano yabo engokwenkolo.
Siyajabula ngokuthi ukubhaliswa kwabo kule ndawo kuzokwenza ukuba oFakazi baseKyrgyzstan bakwazi ukuhlangana ngokukhululekile futhi bakwazi nokuxoxa nabanye ngomyalezo oseBhayibhelini ngokuthula.—1 Thimothewu 2:1-4.
Okunye Ongase Ukuthande
EZISANDA KUKHISHWA
Inkululeko Engokwenkolo Isifinyelele Enhlukana-ndlela EKyrgyzstan
Ngo-December 24, 2014, iNkantolo Ephakeme yasekela ilungelo lazo zonke izakhamuzi, kuhlanganise noFakazi BakaJehova, lokuxoxa ngezinkolelo zabo nomakhelwane. Ingabe manje oFakazi eningizimu yeKyrgyzstan sebezoba nayo inkululeko engokwenkolo?
EZISANDA KUKHISHWA
18NW201W
EZISANDA KUKHISHWA
Inkululeko Engokwenkolo EMongolia: Ivuselelwe Incwadi Engokomthetho Egunyaza OFakazi BakaJehova Ukuba Benze Imisebenzi Yabo Engokwenkolo
OFakazi BakaJehova bathola isitifiketi esivela eMkhandlwini Wedolobha wase-Ulaanbaatar, esibagunyaza ngokusemthethweni ukwenza imisebenzi yabo engokwenkolo.