Ingxenye 5
Ukuthunjelwa EBhabhiloni Kuze Kube Sekwakhiweni Kwezindonga ZeJerusalema
Ngesikhathi ethunjelwe eBhabhiloni, ama-Israyeli aba nokuvivinywa okuningi kokholo lwawo. UShadiraki, uMeshaki no-Abhedinego baphonswa esithandweni somlilo, kodwa uNkulunkulu wabakhipha bephila. Kamuva, ngemva kokunqotshwa kweBhabhiloni ngamaMede namaPheresiya, uDaniyeli waphonswa emphandwini wamabhubesi, kodwa uNkulunkulu futhi wamvikela ngokuvala imilomo yamabhubesi.
Ekugcineni, inkosi yasePheresiya uKoresi wawakhulula ama-Israyeli. Abuyela ezweni lawo ngemva kweminyaka engama-70 ethuthele eBhabhiloni njengezithunjwa. Enye yezinto zokuqala abayenza ngemva kokubuyela eJerusalema kwakuwukuqala ukwakha ithempeli likaJehova. Nokho, izitha ngokushesha zawuvimba umsebenzi wabo. Kwaze kwaba cishe iminyaka engama-22 ngemva kokubuyela eJerusalema lapho ithempeli laphela khona.
Ngemva kwalokho, sifunda ngohambo luka-Ezra ebuyela eJerusalema eyolungisa ithempeli. Lokhu kwakungemva kweminyaka engama-47 ithempeli liphelile. Eminyakeni engu-13 ngemva kohambo luka-Ezra, uNehemiya wasiza ekwakheni izindonga zeJerusalema ezazidilikile. Ingxenye YESIHLANU ihlanganisa iminyaka eyi-152 yomlando kuze kube kulesi sikhathi.
KULE NGXENYE
INDABA 77
Babengasoze Bakhuleke
Ingabe uNkulunkulu uzobasindisa labafana abalalelayo abathathu esithandweni somilo?
INDABA 80
Ama-Israyeli Aphuma EBhabhele
INkosi uKoresi yasePheresiya wagcwalisa isiprofetho esisodwa lapho ethumba iBhabhiloni, manje usegcwalisa nesinye.
INDABA 81
Ukuthembela KuNkulunkulu
Ama-Israyeli aphula imithetho yabantu ukuze belalele uNkulunkulu. Ingabe uNkulunkulu uzobabusisa?
INDABA 82
UMoridekayi No-Esteri
INdlovukazi uVashiti wayemuhle, kodwa iNkosi u-Ahashiveroshi wabeka u-Esteri njengendlovukazi entsha esikhundleli sikaVashiti. Kungani?
INDABA 83
Izindonga ZaseJerusalema
Njengoba beqhubeka nokwakha abasebenzi kudingeka balungise izinkemba nemikhonto yabo behlale beqaphile imini nobusuku.
