Izimpendulo Zemibuzo YeBhayibheli
Kungani kunzima kangaka ukuba kube nokuthula emhlabeni?
Uhulumeni ongashintsha izinhliziyo zabantu kuphela oyoletha ukuthula emhlabeni
IBhayibheli liveza izizathu ezimbili eziyinhloko. Esokuqala, nakuba abantu beye benza izinto ezimangalisayo, abadalwanga bekwazi ukuqondisa izinyathelo zabo. Esesibili, izinhlangano zabantu ziye zahluleka ngoba “lonke izwe lisemandleni omubi,” uSathane uDeveli. Ngakho, abantu bayazama ukuletha ukuthula emhlabeni kodwa bayahluleka.—Funda uJeremiya 10:23; 1 Johane 5:19.
Ubugovu nokufuna ukuvelela kuye kwenza ukuba kungabi khona ukuthula emhlabeni. Uhulumeni ongaletha ukuthula yilowo ongabusa umhlaba wonke futhi ufundise abantu ukuba bathande okulungile futhi banakekelane.—Funda u-Isaya 32:17; 48:18, 22.
Ubani oyoletha ukuthula emhlabeni?
UNkulunkulu uMninimandla onke uye wathembisa ukumisa uMbuso ozobusa bonke abantu. Uzobusa esikhundleni sohulumeni babantu. (Daniyeli 2:44) INdodana kaNkulunkulu, uJesu, iyobusa njengeNkosi Yokuthula. Iyoqeda ububi emhlabeni wonke futhi ifundise abantu indlela yokuphila ngokuthula.—Funda u-Isaya 9:6, 7; 11:4, 9.
Kwamanje kunabantu abaningi emhlabeni wonke abaqondiswa uJesu ukuba basebenzise iZwi likaNkulunkulu, iBhayibheli, ukuze bafundise abanye indlela yokuphila ngokuthula. Maduze, wonke umhlaba uzoba nokuthula.—Funda u-Isaya 2:
Okunye Ongase Ukuthande
PHAPHAMA!
Ukuthula Emhlabeni Ekugcineni!
UMdali wethu kuphela ongaxazulula izinkinga zesintu, kuhlanganise nobuphekula. Singaqiniseka kanjani ukuthi uyozixazulula?
PHAPHAMA!
Ingabe Izingxoxo Zezombusazwe Ziyokuletha Ukuthula Emhlabeni?
Ingabe amaKristu eqiniso kufanele ahlanganyele kuzo? Yini eyafundiswa uJesu? Funda ngalokho okushiwo yiBhayibheli ngezingxoxo zezombusazwe nokuthula.
IMIBUZO YEBHAYIBHELI IYAPHENDULWA
Ukuthula Emhlabeni—Kuyofika Kanjani?
Funda indlela uNkulunkulu athembisa ngayo ukuletha ukuthula komhlaba ngoMbuso wakhe.
