HLALANI NILINDILE!
U-2023: Unyaka Wezigigaba—Lithini IBhayibheli?
Izinto ezenzeke emhlabeni ngo-2023, zikufakazela ngokucacile okushiwo iBhayibheli ukuthi siphila “ezinsukwini zokugcina.” (2 Thimothewu 3:1) Phawula ukuthi yiziphi izinto ezenzeka esikhathini sethu iBhayibheli elazibikezela.
Lithini iBhayibheli ngezinto ezenzeka emhlabeni?
‘Izimpi nemibiko yezimpi.’—Mathewu 24:6.
“Ziyanda izimpi ezingxenyeni eziningi zomhlaba.” a
Funda isihloko esithi “Umphakathi Wona Uzosizwa Ubani?” nesithi “Isingaphezu Kwamadola Angu-2 Trillion Imali Esisetshenziswe Empini.”
“Ukuzamazama komhlaba ezindaweni ngezindawo.”—Marku 13:8.
“Kusukela ekuqaleni kuka-2023, kube nokuzamazama komhlaba okungu-13 okunesilinganiso esingaphezu kuka-7, okungesinye sezibalo ezinkulu selokhu kwaqalwa ukuthathwa kwamarikhodi.” b
Funda isihloko esithi “Kugadle Ukuzamazama Komhlaba Okukhulu ETurkey NaseSyria.”
“Imibono eyesabekayo.”—Luka 21:11.
“Isiphelile inkathi yokwenyuka kwamazinga okushisa; aseyabila manje amazinga okushisa.”—U-António Guterres, ongunobhala-jikelele we-UN. c
Funda isihloko esithi “Ukushisa Okunamandla Kwasehlobo Ngo-2023.”
“Ukusweleka kokudla.”—Mathewu 24:7.
“U-2023: Uphinde waba unyaka onzima kakhulu kubantu abanenkinga yokondla imindeni yabo.” d
Funda isihloko esithi “Indlala Ebangelwa Impi Nesimo Sezulu.”
“Izikhathi ezibucayi okunzima ukubhekana nazo.”—2 Thimothewu 3:1.
“Umuntu oyedwa kwabangu-8 emhlabeni uphila nokuphazamiseka kwengqondo.” e
Funda isihloko esithi “Ukwanda Okushaqisayo Kokuphazamiseka Komqondo Entsheni.”
Uza nani u-2024?
Akekho owaziyo ukuthi u-2024 usiphatheleni. Kodwa izinto ezenzeka emhlabeni zisitshela ukuthi kungekudala uMbuso kaNkulunkulu noma uhulumeni wasezulwini, uzothatha izintambo kohulumeni babantu uqede zonke izinto ezibangela ukuhlupheka nokukhathazeka.—Daniyeli 2:44; IsAmbulo 21:4.
Okwamanje, uma sifikelwa ukukhathazeka masincike kuNkulunkulu, uzosisiza. IBhayibheli lithi:
“Lapho ngesaba, ngithembela kuwe.”—IHubo 56:3.
Singabonisa kanjani ukuthi siyamethemba uNkulunkulu? Sicela ufunde kabanzi ngalokho iBhayibheli elikuthembisayo ngekusasa elingenakho ukuhlupheka. Zama isifundo seBhayibheli samahhala ukuze ubone indlela wena nomndeni wakho eningazuza ngayo ezithembisweni zeBhayibheli.
a Foreign Affairs, “A World at War: What Is Behind the Global Explosion of Violent Conflict?” by Emma Beals and Peter Salisbury, October 30, 2023.
b Earthquake News, “Year 2023: Number of Major Earthquakes on Course for Record,” May, 2023.
c United Nations, “Secretary-General’s Opening Remarks at Press Conference on Climate,” July 27, 2023.
d World Food Programme, “A Global Food Crisis.”
e World Health Organization, “World Mental Health Day 2023,” October 10, 2023.
Okunye Ongase Ukuthande
IZIHLOKO EZENGEZIWE
Ithemba Langempela Lekusasa Elingcono
Kungani izithembiso eziseBhayibhelini zingafani nezinto eziphuma emilonyeni yabantu?
IZIMFUNDISO ZEBHAYIBHELI EZIBALULEKILE
Uyini UMbuso KaNkulunkulu?
Phakathi nenkonzo yakhe, uJesu wafundisa kakhulu ngoMbuso kaNkulunkulu kunanoma yini enye. Sekungamashumi eminyaka abalandeli bakhe bethandazela ukuba lowo Mbuso ufike.
IMIBUZO YEBHAYIBHELI IYAPHENDULWA
IBhayibheli Linawo Yini Amazwi Enduduzo?
Amavesi eBhayibheli aduduze abaningi ababhekene nezimo ezinzima kanye nezinkinga ezingokomzwelo.
PHAPHAMA!
Indlela Yokubhekana Nokucindezeleka
Hlola ezinye zezimiso ezisebenzayo ezingakusiza ubhekane kangcono nokucindezeleka futhi mhlawumbe ukunciphise.
AMAVESI EBHAYIBHELI AYACHAZWA
IsAmbulo 21:4 Siyachazwa—“Azesule Izinyembezi Zonke”
Leli vesi likhuluma ngesithembiso esihle kakhulu sekusasa.
MAYELANA NATHI
Cela Isifundo SeBhayibheli
Thola izifundo zeBhayibheli ngesikhathi nasendaweni evumelana nawe.
